هوانا بحرررررري
إذا كنت أحد أعضاء منتدانا نرجو الدخول

إذا كنت من ضيوفنا الكرام نرجو التسجيل الفوري

مع تحيات هوانا بحرري



 
الرئيسيةالبوابةالتسجيلدخول
التبادل الاعلاني
مركز هوانا بحرررررري لتحميل الملفات والصور
المواضيع الأخيرة
» برنامج يفتح اي ملف اكسس مقفول برقم سري من تصميمي بفجول بيسك
الأحد ديسمبر 28, 2014 7:24 pm من طرف محمد شبل محمد

» التوقيع مجاااااااااااااااااني هنا نلبي طلبات الاعضاء اطلب توقيعك الخاص
الأحد مارس 30, 2014 11:21 pm من طرف الطواش انور

» كيف تعرف ان هذا المكان يوجد به صيد عن آخر
الأربعاء يوليو 17, 2013 5:22 pm من طرف بونور110

» ربطات الصيد المتنوعة اختار ما يريحك
الثلاثاء يناير 29, 2013 2:15 pm من طرف nimer

» "آي فون - 4" بـ 200 دولار مطلع الشهر المقبل
الثلاثاء فبراير 21, 2012 5:49 pm من طرف عمر السليم

» ـ أحذروا .. في رأس وأحشاء سمكة ( أرنب البحر ) سم قاتل .
السبت ديسمبر 24, 2011 10:10 pm من طرف duosrl

» مطاعم تحت الماء
السبت ديسمبر 24, 2011 10:09 pm من طرف duosrl

» إستخدام الضوء الاحمر والاخضر على القارب
السبت ديسمبر 24, 2011 10:08 pm من طرف duosrl

» حلاوة جالكسي بالكورن فليكس
الإثنين ديسمبر 12, 2011 1:37 am من طرف الرعاش


شاطر | 
 

 موسوعه فى انواع الطعم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود الالفى
بحراوي جديد
بحراوي جديد


عدد المساهمات : 16
تاريخ التسجيل : 21/03/2010

مُساهمةموضوع: موسوعه فى انواع الطعم   الإثنين مارس 22, 2010 4:42 am

السلام عليكم ورحمة الله
مرجع وردود لجميع الاسئلة الخاصة بالطعم المياة العاذبة والمالح
مجمع من اكثر من مكان و خبرات صيادين مخدرمين مع خبرتى المتواضعه
اتمنا من الله افادة اكبر عدد ممكن من الصيادين
وجهة نظر لكل صياد تعتمد على التجربة الخاصة بة و خبراتة فى الصيد عن نفسى انا جربت جميع انواع الطعم الموجودة داخل مصر والله اعلم بالنسبة للدول الاخرى وليس هناك قواعد للطعم هناك اكثر من طريقة لكل طعم واختلافات و اضافت متنوعة ولكن هناك طرق للصيد بالطعم وحسب خبرتك فى استخدامة يكون الطعم شغال او غير موفق الخبرة فى الصيد مهمة جدا بعد توفيق الله .
و أهم العوامل قبل اختيار الطعم هما المكان والزمان وعوامل اخرى سنتعرف عليها
العوامل المؤثرة في اكل السمك :

اولاً :المكان :
من المعروف انه ليس كل مكان به سمك بل اماكن قليله فى المياة هى التى يتواجد بها السمك
هناك طبعاً ما يجذبها الى الشواطيء أو الصخور او الحجارة وهو الحشرات أوألطفيليات والاعشاب التي تتغدى عليها
وهناك قاعده عامه تقول ابحث عن اى شيء غريب فى المياة وهناك تتواجد الاسماك
ومن هنا يأتى دور تزفير المكان فمن العوامل الهامه قبل البدء فى الصيد هو جذب السمك الى الدور الخاص بك

ثانياً : الزمان :
الوجه الاخر المرتبط بالمكان هو الزمان
من المعروف ان افضل اوقات الصيد اول الشهر ووسطه واخره خاصه في الفجر والمغرب
لان القمر له دور كبير خاصه في الليل وذلك لان هناك انواع لا تأكل الا فى الظلام الدامس فعامل الضوء والظلام مؤثر بالنسبة للأسماك التي ترعى في النهار و التي ترعى في الليل

ثالثاً : درجة حرارة الماء :
هناك بعض الانواع من الاسماك تنشط في البرد ويكون صيدها اوفر في ايام البرد القارص
مثل الشلباية والانوم والجلمان والبلطي الملقاوي والثعبان
وهناك انواع تختفي بحلول الشتاء ويكون نشاطها ضعيف ونادرة التواجد لانها في البرد تتجه إلى ما نسمية (الحوش) أو الاماكن الضيقة في المياة مثل الأنفاق الصخرية وجوانب المنشأت البحرية والتي تحد من حركتها لمقاومة البرودة وحتى لا تفقد الكثير من طاقتها بالحركة مما يسبب حاجتها للغذاء بشكل كبير لتعويض الطاقة المفقودة

رابعاً : عامل التيارات المائية و عامل المد و الجزر وعامل الرياح و ضغط المياة:
فهناك اسماك تتحمل ضغط المياة والتيارات وهي غالباً كبيرة الحجم لتستطيع مقاومه هذه الطيارات
وغالباً ما تلجأ هذه الاسماك الى ان تتجه دائما الي البر او المناطق القريبة من البر لتبحث عن الطعام وانها طوال فترة بقائها في الاعماق لا تكون بحاجة الي الطعام لانها ممتلئة اما اذا جاعت فتراها تتجه الي البر لتبحث عما تقتات به
وذلك بسبب ان النباتات لا تتوافر في القاع لوجود تيار الماء الذي يجرفها باستمرار فلا يترك لها الفرصة للنمو والتكاثر
ولذلك يري كل صياد ان الطريقه الخاصه به والتى اخذها عن تجربه هي افضل طريقة على الإطلاق
ويتمسك بها ولا يسمع لاي طريقة اخري سواء كانت صحيحه ام خاطئة
ليس معنى ذلك انه يتبع طريقة خطأ او غيرة يتبع طريقه خطأ
بل كلاهما صح مائة فى المائة
فالطريقة التى اتت ثمارها معك بالخير عليك ان تتمسك بها ولكن يجب عليك ان لا تنتقض الطرق الاخري فعلينا ان نحترم كل وجه نظر ونجربها ربما تكون الافضل وفي الاخر انت سيد قرارك

ولكن هناك قواعد عامة لا مساس بها ومباديء فى الصيد يجب ان لا تضيع وقتك لكي تكتشف انك كان يجب عليك اتباعها ومن هذه العوامل:
1- حدد هدفك : انت هتصتاد اي نوع من السمك لان لكل نوع طريقة وطعم و لعدم الدمج ما بين طرق الصيد مما يؤدى الى فشل عملية الصيد
2- تنويع الطعم مفيد للتعرف على طبيعة أكل السمك في منطقة ما في وقت معين وبعد ذلك تستقر على الطعم
3- استخدم الطعم الذي يفضله السمك ليس الذي تفضله وذلك يرجع الى الدور والسمك المتعود على اكل معين
4- افضل طعم للسمك يمكن استخدامه هو الطعم الموجود فى البيئة التى يتم الصيد منها والدليل على ذلك ان الجمبري غير موجود فى النيل لذلك لا يعرفه السمك ولا يأكله
5- حاول ان تستفيد من تجارب من حولك في المكان والطعم والوقت وان تجرب الجديد إذا احببت
نأتى الى الجزء الهام فى هذا الموضوع وهو
ماذا يأكل سمك النيل؟
مصادر الغذاء بالنسبة للاسماك مصدران هما :
1- مصدر نباتي :
وهى النباتات التي تنمو علي حواف المجاري المائية مثل الحشائش والريم
او النباتات الطافية مثل ورد النيل
او النصف طافية مثل الايلوديا
او نباتات القاع مثل نخشوش الحوت
2- مصدر حيواني:
ممثلة في الاسماك الاصغر في الحجم والتي تتغذي عليها الاسماك الكبيرة
ويمثلها ايضا ما يتم القاؤه من حيوانات ميتة في المجاري المائية
والديدان وبعض الاجتهادات من الصيادين

وسنتاول فيما يلي اهم المواضيع التى تحدثت عن الطعوم المستخدمه في النيل وهي :
الطعم ( الدود) - العجينه – الريم – الغله – الفواكه – الخضروات – المصارين – الحشرات - الخ......
وسنتناول كل شيء على حدة من حيث:
التعريف و انواع السمك الاكله لهذا الطعم - اوقات الصيد به - اماكن الصيد - طرق الصيد به - انواعه – طرق تزفير الدور - طريقه حفظة - طرق تربيته او تحضيرة
وهذا لا يقتصر فقط على المياة العازبة
( 1 ) الطعم الدود
التعريف :
يعيش دود الارض على حواف الانهار ( والترع - والرشاح ) وفى الاماكن الرطبه ويكثر اثناء انخفاض المياه .
ويوجد فى الاراضى الزراعيه التى تكثر من الرى على بعد حوالي 70 سم من سطح التربه.
يصعب تربيته والحصول علية ( لانة يحتاج رعاية و تجهيزات خاصة ) لذلك يصل سعر1/8 الكيلو منه اثناء موسم الصيد ) الصيف ) يصل الى 12 جنية بمعنى الكيلو الواحد 96 جنية ويختلف السعر من مكان الى اخروالسعر دا موجود عند الحاجة فى شارع المحطة بجوار محل الكوتش اما اشرف فى المنيل سعرة مخفض قليلا ونفس الجودة وانا عن نفسى بتعامل معه .
انواع السمك :
يعشقة السمك بجميع انواعة دون تمييز .
اوقات الصيد :
افضل وقت بالليل وبلا منازع
و غالباً مش هايشتغل معاك الصبح بمعنى انك مش هاتطلع الا شر بلطى وعبودى وان اشتغل نهارا فلا تكون قاعدة يعتمد عليها
اماكن الصيد :
حبذا لو مكان فيه حجارة بس يكون من فترة طويلة مرمية فى الماية
او بالقرب من الحشائش والخوص
او في وسط المياة ( حداف (
طرق الصيد به :
شعر 40 على المكنه ورمل ب 30 او 35
واعمل وش طويل يفضل 1.5 متر ودة حسب العمق بمعنى لو المياة ضحلة قلل طول الوش
وسن (6 او 7(
وطعم الطعماية صاحية افضل و تكون نصفها مدكك و النصف الاخر حر للحركه واغراء السمك
وممكن تستخدم احدي الطرق في تركيب الدودة فى السن:
• العنكبوت : تركيب دودتين على السن
• الكفته : تدكيك فحل الطعم فى السن
وممكن تشتغل بطريقتين
حداف:
عن طريق وضع الرصاصة المناسبه لشدة الطيار لانها لو صغيرة هتتجرف فى القاع ويقع منها الطعم بسرعه ويفضل ان تكون تقيله 150 جرام او اكثر وتحدف وتتوكل على الله في ناس بتفكر انك لما بترمي بعيد ده يبأى احسن دي معلومه غلط لان السمك ممكن يكون تحتيك على طول وانت بتدور عليه بعيد المهم تحدف وبعد ما الحداف يسقط فى المية ويستقر تلم الخيط على المكنه بحيث يكون مشدود وتعرف دة من ان اللبلوب يكون متني تنيه بسيطه وانتظر هزة اللبلوب واضرب او اشكم السمكه وبعد كدة تلم والرزاق هو الله
فلة على العايم :
عن طريق غماز وسط ورصاصة توزنه بس مايكنش على الشعرة عشان السمك هايغمز كتير ويشد ويسيب ويلعب بالطعم
واحسن حاجه انك تسرح الفله عن طريق عمل الخرزه واستخدم غماز كبير غماز تسريح وكام رصاصة توزنه ولو غمزت لا تستعجل عليها بل اسحب منها الطعم بهدوء واتركه مره اخرى وعاود الكره ولكن بهدوء شديد ولكن فى النهايه تشد منك بقوه فاضرب عليها .
لو ما طلعتش شد وظبط طعمك وارمي تانى.
ونبدء باستعراض انواع الديدان المستخدمة بالمياة العزبة و المالحة
دود ارض بــلـــــــــدى
وهو يستخرج من الاراضى الزراعية التى تستخدم السماد العضوي وبيكون لونه احمر ومتوفر بمحلات الصيد
النطاط: وهو يستخرج من حدائق الفاكهة خاصة الموز وهو كثير الحركة ( بيتنطط ) ومتماسك ولا يعيش خارج التربه الخاصة به لونه اسود من فوق واحمر من تحت وفية خط بعد راسة
الطعم الافرنجى : يستخرج من حواف الترع والمصارف وهوه كبير الحجم ويلقب بالطعم الزفر لانه ذو رائحه نفاذه
الدود الاسمعيلاوي: الدود الإسماعيلاوي قد يصل طولها إلى متر و نصف و يقوم البائع بتقطيعها إلى عشرة أو أكثر قطعة حسب طولها ليقسمها على أكبر عدد من الطرود بعد أن يضعها في قطعة خيش في حجم طابع البريد و يلفها في ورق الجرائد ليقلل من المصروفات و يكثر من الربحية
الدود القراص: هي الدودة الي لها أرجل كثيرة وطول الدودة من 7 إلى 10سم
دود مشرشر: الدود المشرشر يباع في اكياس بلاستيك مملوءة بماء البحر لتظل حية
السبلة : ودة هنتكلم عنه لوحدها بس امسك بطنك اثناء القراءة
طريقة حفظ الطعم :
دة بالنسبه للبلدي
اكثر مدة هيعشها 10 ايام
يمكن المحافظه على الدود بتنظيفه من الطين والعوالق ووضعه فى جريده ولفه جيداً وبعدها قطعه قماش مبلوله ويلف ويوضع فى كيس وبعدها فى درج الثلاجه فى اقل مكان تبريد وهو درج الثلاجه ويكشف عليه كل ثلاثه ايام . واحترس لانه ممكن يسرح فى الثلاجة فاحكم عليه كويس
وهناك طريقة اخري بانك تجيب حتة خيش من عند المنجد الى بيحط فيه القطن وتبلها خفيف وتحط الطعم فيها بعد التأكد من ان الطعم لا يوجد به من هو تالف وتحطها فى كوز صاج وتسيبه مفتوح وتشيله فى مكان بة رطوبة يعنى مثلا على سيراميك ومكان ظل و وتظل تتابع عليه ببخة ميه على الخيشه كل كام يوم
اما لو طعم نطاط تجيب طينة من نفس المكان بتاع الطعم وتحط الطعم فيها
وتجيب جردل بلاستيك او صفيحة المهم اى حاجة وتخرمها من تحت اخرام صغيرة اوى
وتملأ نصفها طينة وتضع الطعم على وش الطينة الطعماية اللى هتموت مش هتنزل فى الطين
ودى يا ترميها او تصطاد بيها وخلى الطينة دائما طرية (رطبة( تقوم بالرش بقليل من الماء ومتكترش المية
عشان ممكن الطينة تعفنة وتخلية فى مكان بعيد عن الشمس او الحرارة
طرق تربيته:
الكلام بالنسبه للدود البلدي
الطريقه الاولي
اولاً وعاء التربيه من الخشب تكون ابعاد وعاء التربية على الاقل 65 سم طول * 65 سم عرض * 35 سم ارتفاع
قم بثقب الوعاء من الاسفل والجوانب بانتظام بابعاد منتظمة كل 1/2 سم
مع تغطية الجوانب بخيش حتى لا تخرج الديدان وكذلك السقف
واحتفظ به بعيداً عن الشمس وفى مكان رطب جيد التهويه
عمل الفرشة عن طريق خلط مواد عضوية مثل قش الرز – التبن – اوراق الاشجار الجافه – ثم تنقع فى المياة لمدة يوم كامل
ثم قطع ورق جرائد الى شرائح وورق كرتون وانقعها فى الميه ويخلط مع الفرشة
قم بملء الوعاء حتى نصف ارتفاعة
قم بإضافه الطينه واخلطها قليلاً
قم بإضافة المياة الى الفرشه بس ما تزودش بحيث انها ما تعجنش يعنى تكون رطبه
ثم اضف 1/2 كيلو دود او اقل
قم بإضافة الغذاء من بواقى اكل بشرط ان لا تحتوي على " سمن – زيت – منتجات البان "
والغذاء المفضل هو قشر البيض المسلوق
بعد 6 الى 8 اسابيع ستنخفض كمية الفرشة وتمتلء بمخلفات الديدان
يتم تغيير الفرشة كل 6 شهور
الطريقة الثانية
عن طريق فرم أش الارز وجعله شبيه بالتراب ونحطه مثلا في ( طشط كبير ) من الالومنوم أو أي مادة ونضع الاش المفروم ونجيب شوية طعم (دود ) ونضعهم فيه ونرش كل يوم شوية مية باردين شوية ونحطه في مكان رطب أو بارد شوية بحيث الشمس متشفشي الدود
والاش المفروم منه مثل التربة ومنه يأكل وبعد أسبوعين ستجد ما يسرك
الطريقه الثالثه
المستلزمات
1- مستطيل خشبي بابعاد متر ونص في متر مقفول من الواجهه بسلك حديدي فتحتاه صغيره جدا ده عند اي نجار مش هيكلفك حتي 10 جنيه
2- التربه 3/4 طمي+1/4 رمل
3- متر مربع نجيله صناعيه
4- سبله واوراق شجر صفراء
5- وقطعه خيش لتغطيه المربع من الخارج
طريقه التنفيذ :
1- نضع المربع الخشبي اتجاه السلك للاسفل
2- نضع التربه ونخلطها جيدا مع قليل من السبله
3- ونحضر كميه الدود المطلوبه تقريبا ربع كيلو
4- نقوم بتنديه التربه بقليل من الماء ونرش قطعه الخيش ماء
5- ثم نقوم بوضع الدود علي التربه وفرزه جيدا من الدود المقطوع والميت
6- نقوم بتثبيت النجيله ووضع اوراق الاشجار عليها
ونضعه في مكان ضل ويستحسن يكون فيه تيار هوا مستمر
مع مراعاه الحفاظ علي الخيشه دائما رطبه هى والتربه باستمرار بهاء ماء ومرويه وليست غرقانه .
الطريقة الرابعه
1- قم بشراء باسكت بلاستيك (جردل) وقم بعمل ثقوب صغيرة جداً في الأسفل عن طريق ابرة كبيرة الحجم او مسمار صغير بتسخينه على النار.
2- قم بملئ الجردل بورق الجرائد المقطع على شكل شرائح بعرض 1 سم .
3- قم بترطيب الورق برشة ببخاخة ماء .
4- قم بقسمة الورق إلى نصفين ضع نصف في أسفل الباسكت .
5- قم بشراء نصف كيلو من الدود مع الحرص أن يكون مظهره الصحي جيد (يعني دودة صاحية بتلعب) وضعه فوق الورق المفروش .
6- أضف نصف الورق الباقي فوق الدود .
7- أضف بقايا طعام من المطبخ (أي طعام) وتجنب الطعام المحتوي على زيوت أو سمن .
8- ضع باقي كمية الورق فوق الطعام .
9- قم بتغطية الباسكت بغطاء بلاستيك مثقوب .
10- قم بوضع الجردل في مكان مظلم رطب .
بعد شهر قم بحصد أول كمية من الدود بالطريقة التالية :
1- قم بمنع الأكل لمدة ثلاثة أيام .
2- في اليوم الرابع ضع كمية من الأكل .
3- انتظر لمدة ساعتين ثم قم برفع نصف الورق على مفرش بلاستيك .
4- قم بالتقاط الدود ثم أعد الورق إلى مكانه وهكذا كلما رغبت في الحصول على كمية أخرى .
مع بعض تجارب الصيادين فى تربية الطعم :
-احسن حاجه في رايي لتربيه الدوده صندوق خشب او قصريه زرع كبيره بس تضيق الخرم اللي تحت علشان الطعم ماينزلش منه
- توضع الصندوق او القصريه في مكان غير مشمس يعني ظل علي طول ويفضل وضع قطعه من الخيش علي الطينه من فوق تكون مبلوله و لابد من تقليب الطينه او قلب الصندوق كل اسبوع تقريبا وتفرش الطينه مع الدود اللي جواه علي جرائد او خيش وتهويه في الهواء الطلق او البلكونه علشان مايعفنش
الدود حساس جدا للميه يعني الطينه تكون منديه فقط موش موحله لان لو الميه زياده يعني الطينه موحله الدود يموت ويعفن وبرضه ماتبقاش ناشفه قوي علشان مايعطش ويموت برضه
- يفضل ري الطينه عن طريق بخاخه ميه كل يوم في الصيف وكل يومين ثلاثه في الشتاء مع مراعاه كميه الميه المناسبه لحجم كتله الطينه ولابد من وجود فتحه ضيقه اسفل الصندوق الخشبي لتصريف المياه الزائده لعدم تعفن الدود او موته 0
- كل اسبوعين ممكن تضع داخل الطينه قطعه صغيره جدا من الخبز او البسكويت ( مثل عقله الاصبع الصغير او اقل ) او كميه صغيره جدا من الدقيق للمساعده في تغذيه الدود مع ضروره وضه كام عود من النجيله الخضرا داخل الطينه بصفه مستديمه لتهيئه الجو والبيئه الطبيعيه للدود 0
- عند التقليب ان وجد فيه دود صغير احمر وسط الدود يبقي انت شغال صح والدود بيولد وصحته تمام
لو قلبت الطينه ولقيت انها موحله جامد افرشها علي الجرائد وسيبها ساعه او ساعتين لغايه ماتحس انها جفت شويه وبعدين ضع الدود تاني في الصندوق وبخ الطينه اللي علي الوش بالبخاخه ولو انت ماشي صح في الموضوع ده حتلاقي الدود تضاعف في وقت قصير جدا وممكن كل طلعه صيد تاخذ منه شويه ويفضل انك تنتقي الدود الكبير وتسيب الصغير في الطينه علشان يكبر ويولد تاني
أحب أضيف ان ممكن حضرتك تضيف نصف حبة طماطم وشوية تفل شاى مغلى
الكلام ده متجرب وانا كنت مربى دود عندى فى البيت فترة طويلة وانا كنت واخد الطريقة دى من تجار الدود نفسهم وهما على فكرة اغلبهم بيربى الدود عندهم فى اماكن مخصصة لذلك وفايدتهم كبيرة من ناحيتين
1- بيساعدوا على تغذية الدود
2- بيعطوا للدود لون احمر فاتح وده بيبقى اجود انواع الدود على الاطلاق ومغرى جدا لجميع انواع السمك
وفى ملحوظة مهمة جدا : الدود الصايم افضل كتير من الدود اللى مش صايم يعنى قبل كل طلعة بحوالى 3الى 4 أيام انقى شوية من الحجم الكبير على قد الطلعة وواحتفظ بهم كويس فى ورقة جرايد وضعهم فى التلاجة لكى يفرغوا الاكل اللى فى معدتهم ويصبح الدود لحم صافى.
ملحوظة هامة :
الدود انواع فى دود رز وده بيبقى شديد الاحمرار ولكن دوده ضعيفه جدا ومليانه مايه مش بتتحمل
وفيه دود موز وده دود زى البلاستيك ملوش لازمه لكن افضل انواع الدود دود اللى بيقولوا عليه بلدى ودة من اراضى زراعيه كتير
لكن احنا عارفين ان الدود بيتغذى على الطين لذا كان من الفضل انك تصوم الدود وده ليه اكثر من طريقه افضلها انك تضع الدود
فى كيس قماش مع وجود قطعة من الخيش وتربط فى كيس بلاستك وتوضع فى درج التلاجه لمدة ثلاثة ايام حتى تكون الدودة مثل الاستك
دود الـنيــــــــــــــــــــل
نوع طعم يشبه دود الارض معتقدش ان كتير شافه او حتى سمع عنه و يتوفر فى الصعيد ومواصفات الدود الشبه اقرب جدا الى دود الارض العادى لكن الفرق انه نسبة اللحم فى الدود النيلى اكبر منها فى دود الارض العادى ولو اتقطع بتلاقى كميه دم رهيبه نزلت منه وطبعا دى اكثر شئ بيجزب الاسماك
وكمان سبحان الله الخالق العظيم لو عملت مقطع عرضى فى الدودة مش بتلاقيه على شكل دائرى كما الحال فى دود الارض لا بتلاقيه مثلث سبحان الله وكمان الملمس بيكون خشن نسبيا عن دود الارض نظرا لمكان معيشته
مكان تواجدة
مكان تواجدة بيكون على ضفاف النيل فى المنطقه التى تكون وسطيه يعنى المياه على ارتفاع سنتى متر او اتنين بالكتير والرمليه طبعا ويا سلام لو لقيت حجر نصه فوق الميه والنص التانى فى الرمله دة يعتبر كنز تعرف تعمل ايه تشل الحجر وبسرعه البرق تكبش كبشه من الطمى اللى تحتيه وتطلعها تدور فيها تلاقى شويه حلوين بس انا بقول بسرعه البرق ودة بسبب انه سريع جدا فى الحركه وشرط وجود نباتات او طمية لونها اسود تحت الاحجار على ضفاف النيل وتخلي بالك كويس عشان ابو جلمبو وقرصو ترفع الحجر وتمد ايدك تاخد بسرعة اللي تحتها عشان الدود النيلي بيهرب بسرعة غير عادية في الطمية المائية تحت الهيش و النباتات المائية تخلعها وتطلع من تحتها الطينة هو داخل الطينة
مميزاته
تقبل عليه الاسماك بصفه عامه اقبال منقطع النظير يعنى لو معاك الدود دة صعب جدا انك تروح فاضى وطبعا كله بأزن الله
عيوبه
بيتقطع بسرعه وصعب انه يعيش خارج المكان بتاعه لزى مش هتلاقيه بيتباع زى الدود العادى للاسف
حفظ الدود النيلي
ويتم حفظه فى الحشيش المائي وليس ورد النيل ( شبة الخيوط الدوبارة في المياه العذبة وموجودة بكثرة ) وللحفظ يتبع الاتي
1-أستخرج الطعم بنفسك او عن طريق متخصص من الصيادين المتواجدين بالمنطقة
2- افرز الطعم كويس جدا من اي دودة مقطوعة او مجروحة ولو جرح صغير جدا
3- اخلع من المياه هذا النبات ( اشبة بالحبال العايمة في المياه )
4- اغسله في مياه النيل قبل ما تبدأ بيه الحفظ
5- لفه 3 لفات بطريقة دائرية ( اشبه ما يكون بالعش ) ضع الدود داخل العش
6- غطي باقي الدود بباقي النبات
7- احفظه بالثلاجة او اي علبة صفيح وضع قليل جدا من الماء على فترات
8- الطعم لو اتحفظ بالشكل ده ممكن يعيش ان شاء الله اكتر من 10 ايام
الدود كائن حي يتغذى على المخلفات العضوية والنباتات لذا من الصعب جدا وجوده في المنطقة الرملية بالنيل وده عن تجربة
دود السبـــــــــــــلــة
التعريف :
دود ابيض صغير و هو عباره عن يرقات وهو بيستعمل كتير جدا في اوروبا وفي الارياف بس قليل و هوا فعال جدا.
اماكن تواجدة :
يوجد في روث الماشية او اي مكان فيه قمامه و بقايا اكل مرميه لفتره ولعياذ بالله وكان دائما يوضع فى افخاخ الطيور.
الاسماك الاكله له :
هو مغرى للبلطى اكتر من دود الرض لأنه دائم الحركه خاصة الاحجام الكبيرة
وقت الصيد :
في اي وقت
طريقه الحصول عليه :
اولا يوضع الروث على فرشه فى الشمس و يقلب حتى يجف قليلا
ثم تضع الحصيله الجافه فى شىء كبير و تقف فى مكان به بعض الرياح وتبدا من اعلى تدلق الحصيله فى الهواىسيتطاير القش و خلافه و يسقط الدود الابيض الرفيع على الفرش الاخر فى الارض اسفل يدك مباشره تعاد الكره مرتين اوتلاته للتنقيه
طريقه الصيد به :
الصيد بالسبله طعم دودتان عن طريق تعليقهم بالسن من منتصف الدودة وترك الطرفين حرين
يستخدم سن 8 او 9 و تنزل على غماز خفيف فوق الدور المتزفر من نفس الدودة
طريقة التربية :
الطريقه الاولي:
لو عندك مكان مهجور زي سطح او بلكونه مقفوله و يكون فيه شمس لفتره من النهار جمع بقايا اكل و سيبه لمده من 5 ايام لاسبوع و ابقي رش عليها بخه مياه كل يومين لو الدنيا حر اوي
قشر البطيخ بالذات بيتجمع عليه اكبر كميه من الدود مش عارف ليه يمكن علشان الرطوبه و السوائل اللي فيه
الطريقه الثانية:
بتجيب رغيف عيش تخمره في الميه وبعدين تعصره وبعد كده تحطه في كيس اسود لزوم الظلام وتحط عليه قطعة صغيرة من الخميرة مقدار ملعقة شاي واضف ملعقة سكر واخلط المكونات جيدا
اقفل عليها الكيس وسيبها يومين الي 4 ايام لحد ماتلاقي الدود ملا الكيس .
الطريقه الثالثه :
التبن و هو عيدان قمح مكسرة - حبوب القمح - حبوب زرة عويجة - خميرة مش جافة (طرية او لينة ) - عيش غير صالح للاكل (معفن) - كيس من البلاستيك .
الطريقة :
نضيف جميع المكونات المذكورة اعلا ة بكميات مناسبة داخل الكيس البلاستيك ونضيف عليهم مياة بكمية مناسبة ونقفل الكيس لمدة 15 يوم وخلال هذة الايام نرش على الكيس من الخارج مياء با لبخاخة او رزاز ويوضع فى مكان رطب وليس سا خنا عن طريق التعفن الفطر وهكذا يتحول لديدان
ويوجد منها صناعى نفس الشكل والليونه وطرفها الخارج عن السن يتحرك مع حركه المياه كانها طبيعيه وممكن يترش عليها اسبراى رائحه للزفر وغالبا عند الصيد بيها لابد وان تزفر بيها الاول يعنى ترمى شويه فى الدور ولكن لا تباع هنا .

القـــــــراص
و هو عبارة عن دود احمر له فم به كلابات وهو رفيع و قصير وله رأس سوداء تشبه فك النملة و ذيل مزدوج أسود و مدبب وهو مفضل في صيد الدنيس و الحفار و المرمار
يستخدم اساسا للشراغيش و الميرا والغلانفيش واحيانا يدخل عليه القاروص(يدكك اكثر من دودة فى السن الواحد ويترك باقى الدودة يتدلى من السن.(
دود البحر لونة وردى وانت بتشترية لازم يكون فى مياة مالحة بتاعة البحر ولو عايز انت تجيبة هتلاقية اما تحت الصخور ودة
بتصطادة بسرعة بمجرد تحريك الصخرة وبيكون طولة اكبر من دودة الرمال او بالحفر فى الرمال لعمق حوالى 50 سم واللى قدرت اطلعة من الرمل كان طولة من5 الى 7 سم وبيكون املس

الدود الاسمعلاوى
الدود الاسمعلاوى أو الاحمر كما يطلق عليه بالاسماعيليه
يعيش فى اكتر من بيئه رمليه - طينيه- حتى الصخريه وليس شرط يكون له خرم او اتنين الا لما يكون فى التربه الرمليه وغطاس الدود يعرف كيف يتعامل معاها لأنها ممكن تقطع نفسها وتهرب الرأس داخل التربه فهو يتمكن بحرفيته من مسك رأس الدوده وسحبها بالكامل وتسمى هذه الطريقه التسليك وهناك طريقه اخرى وهى الغرف او الجرف وتعتمد على غرف كميه من التربه وتنقية الدوده من وسط التراب
لا استطيع ان احدد بالضبط غذاء الدود الاحمر لأنه يوجد فى اكثر من مكان فى رمال صافيه جدا وفي طينه وعليها طبقه من الزرع والقواقع الصغيره وتسمى هذه الطبقه الجلفه ووجد الدود الاحمر في القرص الاسفل للشمندورات بالقناه اى انه يوجد بين الميتين ولكن داخل الحشف الملاصق للعوامه الخاصه بالشمندوره
ولكن من الاكيد ان غذائه له علاقه بالتربه اى انه يمكن يتغذى على الطين والرمل وما به من عوالق وقد شاهدت دود احمر داخل قواقع فارغه وقد قيل انه يقتلها ويلتهم لحمها
المهم يجب التنويه ان الدود الاسمعيلاوى يستخرج من محافظات اخرى غير الاسماعيليه وحتى الان تم استخراجه من السويس ( حوض محطة عتاقه - الاتكه - منطقه كانت تسمى الكبانون - مناطق قرب النفق)
من بورسعيد (التينه - الكاب - راس العش - الرسوه ) والدوده المستخرجه من بورسعيد تكون لونها قاتم وفي بعض الاحيان أسود
و عموما هناك اراء حول غذاء الدود الاسماعيلاوى
وتقول انه بيتغذى بشكل اساسى على اللوجز والبكلويز
وهو ده اللى بيرفع نسبة الفوسفور فيه وبيخليه من اشهى الطعوم للاسماك وطريقة اكله للقوقعة انه بيفرز عليها ماده هاضمة وبعدين بيمتص محتواها والمادة دى هيا اللى بتسبب سرعة فساده اذا انقطعت الدودة لتسريب الماده وهيا اللى بتاكل جلد اليد عند الشغل بيه كتير(كأنها مياه نار) والدود الاسماعيلاوى او الاحمر ليه اوقات بنشوفه عايم على وش الميه بالمئات بس حجمه صغير شوية وكأنه مهاجر او بيدور على ارض ينزل فيها . ومره شفت برنامج فيه واحد اجنبى بيصطاد دود شبه الاسماعيلاوى بس شفاف ورفيع بقطعة سمك مشرحها عشان تعمل ريحة اقوى والدوده اما تطلع تاكلها بيمسكها وبيتهيألى بكده يبقى الدود الاحمر ممكن ياكل السمك الميت واللى خلاه ياكل لوجز يبقى احتمال انه ياكل سمك ميت كبير.
وهو للاسماك ذات الفم الكبير ( الدنيس, القاروص, اللوت,الشراغيش الكبيرة,التيوس) يفضل استخدامه فى الليل نظرا للونه الاصفر الفوسفورى ومن الممكن وعن تجربة وضع دودة كاملة فى سن كبير (01) كرش مع رصاصة خفيفة (4) بساق طويلة حولى متر يدخل عليك القاروص الكبير (3 كيلو وانت طالع) ,الكلام ده فى المعمورة بالليل .
افضل طريقه لحفظ الدود الاحمر هو ان تاخده من الميه للميه يعنى تشتريه في ميه وتكون الدوده لها راس يعنى ما يكونشى ديل بدون راس وتاخدها وتحطها في صينيه او حاجه واسعه والميه المالحه يادوب مغطيها وفي مكان بارد يمكن تعيش 3 ايام مع تغيير الميه كل ما تصفر او تحمر بس ان وضعت في خيش يبقى خلاص ما تنفعشى تطبق الكلام ده عليها لأن الدوده بتشد وتتلسع من بعض المناطق يعنى بتسود او بتزرق اما الدود الاسمعلاوي يتم اصطيادة من البحيرات يعني مية مالحة وحمة كبير والدودة لها ارجل كتيرة ويتهافت عليه اسماك كتير وبيجي في طرد بالحجز الطرد عبارة عن قطعة من الخيش صغيرة مبلله بالماء ملفوفة بورق جرائد للمحافظه علية حيا
بعد أن تشتري الطرد الملفوف في خيشة و ورق الجرائد يبلل بماء البحر من عند البائع و يوضع في الرف السفلي للثلاجة لكن الملاحظ أن حاليا أن الطرد قلما يحتوى على الدودة كاملة يعني ممكن تجد نص أو ربع دودة لذلك إفتح الطرد و أنظر فيه و حاول أن تصر أن تكون الدودة كاملة و تتحرك بحيوية كذلك أصبحت قطعة الخيش صغيرة كأنها طابع بريد و دا طبعا لأن من يستخرجون الدود أصبح لا يهمهم جودة البضاعة بقدر إهتمامهم بالمكسب و مع كثرة الصيادين أصبح كله بيتباع

الدود المشــرشــر
زى الاسماعيلاوى ولكن اصغر و اضعف لازم تعيشه فى اناء به الماء الذى اخذ منه وعند الاستعمال يوضع على قماشة جافة لمدة 5 دقائق ثم يدكك للاستخدام للقاروص واللوت والنقط غالبا فى المعدية و رشيد.

دود الرمــــل
حجم القراص ولون الاسماعيلاوى يتميز بتماسكه الشديد لدرجة انك من الممكن ان تاخذ اكثر من سمكة بنفس الدودة .اساسا للميرمار و الميرا والشراغيش.

الدود الأبيض
عند شراؤه لابد أن تتأكد إنه حي ، لأنه بطبعة روحه قصيره ، وللحفاظ علية حي له طريقتين ، الاولى : استمرار تغيير الماء له لتجديد الأكسجين أو استخدام موتور الهواء المستخدم في احواض السمك الزينة و يباع عند محلات اسماك الزينة وفيه نوع يعمل بشاحن بس سعرة عالي شوية 75 جنيه تقريبا
و الدود الأبيض ندعوه دود الصخور وهو ممتاز جداً للبوري الضخم ( كيلو وما فوق ) ونحصل عليه من صخور البحر المثقوبة بشدة وذلك بوضع حمض الليمون المركز نسبياً في وعاء ونأتي للصخرة في حال الجزر ونرشها به وخلال ثواني يبدأ هذا الدود
والدود الابيض شبيه الي حد ما بالدود السمعلاوي لكن بيكون حجمه صغير بكتير اذا قورن بالاسمعلاوي وبيجي من السويس والاسماعلية في اكياس بها ماء مالح وبيتباع الكيس اللي فيه الميه والدود ب جنيه وربع وانا اعتقد انه لا يصلح للبلطي لانه قلت بيكون موجود في ماء مالح واعتقد بدرجه كبيرة انه مش هينفع للبلطي اللي بيعيش في المياه العذبه


الغــــــــلـه
الصيد بالغله هوه فعلا صيد المحترفيين بالنسبه لصيادى المياه العذبه وانا شخصيا اسميه بالصيد الصعب لآنه يحتاج الى سرعه بديهه وصبر وانتباه شديد ولكن فى المقابل النتيجه بتكون مرضيه جدا جدا فالاحجام لا تقارن بصيد الطعم ده اولا وثانيا : الدور الى متعود على اكل الغله سمكته طعمها فوق الممتاز (معلوفه) تخيلو سمك بياكل غله صافى . اكيد احجامه حتكون كويسه و طعمه حيكون افضل . اسمحو لى بتقديم نبذه بسيطه عن الطريقه المثلى للصيد بالغله للاخوه الذين لم يجربو ذالك . واعلم انه هناك من هوه اقدر منى على الشرح
التعريف:
القمح البلدي ويستحسن من النوع ذو الحبه الكبيره وان يكون كامل ( يعنى بقشرة ) مش بتاع البليلة لان القمح بدون قشرة لا يصلح ابدا
انواع السمك :
البلطي
اوقات الصيد :
من اول الظهر اشتغل بالغلة وطبعا لازم يكون دور غلة والسمك متعود عليها وتزفر قبل ما ترمى بوقت كافى
الغله ليها صيد بالليل بس يكون فى مكان ضارب فيه كشافات نور لان السمك بيجي عليها عن طريق الرؤيه مش الريحه ودي بتكون ضعيفة
وافضل شهور الصيد 5/6/7/8/9
اماكن الصيد :
من على الشاطيء ولازم يكون الدور مياه هادية يعنى مش حامية يعنى الغله عايزه دور مياة ضحله الى حد ما يعنى الاقضل ان تكون ترعه صغيره والارضيه طينيه ومافيش حجارة عشان تسهيل الرؤيه للسمك او وسط ورد النيل والجميل ان تكون ادوار الغله اللى بيتغسل فيها غله زى ترعه الجيزاويه و بحر يوسف و بعض الترع الصغيرة و طبعا ده فى و قت غسيل الغله يعنى بعد الحصاد بالتحديد فى اخر الصيف يعنى اغسطس
تجهيز الدور:
اولاً تجهيز الدور عن طريق عمل أكثر من مراية يعني أعمل خمس مرايات والتنقل بينهم طول اليوم والدور الى يشتغل معاك ماتسبوش
ولعمل المرايه عن طريق رش كبشتين من الغلة علي ارضية الدور بحيث تكون نصفها في الماء والنصف الاخر علي البر على مسطح طين ( ارضيه طينيه ) على حرف المياة وبنظفر في دايرة كبيرة 5 متر اثناء التجهيز وعند انتهاء التجهيز وبدء الصيد صغر دايرة الظفر تحت رجلك 4 او 5 حبات والمرايه تعنى مياه صافيه جدا علشان السمك هياكل على الشوف مش الشم
ولو المياة مش رايقة دور على ليخة (نبات مائي) او ورد النيل و قم بتنظيفه من المنتصف بحيث تكون ارضيته مكشوفه و لما الماية تروق قم برش الغلة لتحضير الدور
ملحوظة
" الغلة المستخدمة للتزفير نص سوا " علشان السمكة ما يعرفش ياكلها ويدخل على الحباية المستويه على السن"
وممكن تزفر بعلف اسماك او علف دواجن زفر ينقع في الماء لمدة ساعة حتي يشرب الماء يتم خلطه ببعض الدقيق وبعض الردة تكور منه كور صغيرة تلقي بها في الماء وتضع بعضه في كيس تصنعه من الشكاير المنسوجة للارز او الدقيق وتربطه وتلقي به في الماء امامك ومن وقت لاخر تهز الكيس فينتشر مابه في الماء
ولتجهيز دور دائم للغله نتبع ما يلي :
ويكون ذلك بمتابعته والقاء بعض القمح به كل يوم لمدة ويفضل فى الميعاد المفضل لك ان تصطاد فية بعد ذلك لكي يتعود السمك على الاكل في هذا التوقيت وعلي فكرة هذا الاعداد وان بدا للبعض عمل ممل الا انه ممكن يتيح لك الدور شغال طول الموسم لان السمكة بتتعود علي اكل الغلة
ان كان سكنك بعيد عن الدور تشترى 2 كيلو قمح وتستبعد نصف كيلو فى كيس وترفع الباقى على النار بعد 10 دقائق انشل ثلث الكمية التى على النار وضعها فى الكيس السابق
بعد5 دقائق اخرى انشل الثلث الثانى من على النار
وضيفة الى الكيس السابق بعد 5 دقائق اخرى انشل باقى الغلة من على النار وضفهم الى نفس الكيس
ثم القى بكل الكمية فى الدور مرة واحدة
وبعد اربعة ايام جرب لان السمكة هتاكل فى اول يوم الحباية المستوية وتسيب الباقي وتستمر علي ذلك كل يوم .
طريقة الصيد :
و نعمل وش مجوز بشعر 30 بفاصل 5 سم بين السنين
طول الوش قصير عشان تحس باول نقرة يعني تحت التقل بـ 20 سم السلاح 6 او 7 بسلاح حامي والافضل يكون دقنه واطى و مفتوح نسبيا ضع حبة غلة واحدة علي السن الامامي بحيث لاتظهر مقدمة السن الحادة عند الصيد عن طريق شك القمحة فى السن من ناحية مكان الانبات فى الحبة لانة اقوى مكان فى القمحة
و الغماز (حرامي) أصغر غماز تلاقيه و الرصاص ورق (قشر) موزون وترمى قدام وبعد ذلك تسحب الغماز براحة لعندك عشان السنار يرسى على الارض ومايعومش يعنى نرقد السنون على الأرض ومن اول سحبة تلطش على طول أشكم شكمة جامدة و بسرعة يعنى ما تستناش لان كدة يبأي السن في فم السمكة
حاول ترجع للخلف قدر الامكان بحيث لاتظهر للسمكة وطول الخيط من فوق الغماز وارمي من بعيد عنها يدوبك تكون شايف الغماز و تسرح لها بالغله وخليك منتبه لاي حركة من الغماز كما يفضل ان ترتدي ملابس لها درجات الاخضر الغامق او الزيتي وهي الوان لا تلفت انتباه السمك وحاول ان تكون حركة العود قليلة قدر الامكان مع التزام الهدوء وعدم الحركة او الصخب لان السمك لو شايفك مش هياكل
ملاحظه هامه ان لا تترك السناره فى الماء مده طويله بدون تحريك (حرك كل شويه ) يعنى ارمى جوه واسحب عليك ناحيه الغله الموضوعه قريب .
طريقه حفظها :
ممكن تكون فى طبق مغطي بالمياة موضوع فى الثلاجة
اما إذا كانت مستويه فتوضع فى اكياس تحت الفريزر
ولا توضع بالفريزر عشان لو وضعت بالفريزر بتسود
طرق تحضيرها:
طريقه (1(
نصف كيلو غله يتم غسله بالماء جيدا حتى ينظف من الاتربه تماما وبعد ذالك يتم وضعه فى حله بها ماء ويتم غليها على النار مع التقليب من وقت الى اخر حتى نضوج حبه الغله (نصف سوى(
وبعد ذالك تنزل من على النار ( احجز منها شويه للتزفير)
ويترك الباقي فى الحله مغطاه لمده مناسبه حتى انتفاخ حبه الغله حوالى ربع ساعه
ولا تتركها لدرجه انها تتفتح او تنهرى حتى لا تصقط من على السن يعنى القشره لسه مقفوله على اللب وبعد ذالك تغسل بالماء البارد ثم تصفيتها من الميه
ويتم تقسيمها على اكياس وتوضع فى الثلاجه وتكون معده للصيد
عند غسيل الغلة قبل الانضاج (التسوية ) وانت تقوم بعملية
الغسيل استبعد الحبوب التى تعوم على المياة لانها بعد
الانضاج بتكون فارغة من كثير من ما تحوية
طريقه (2(
نغلى الماء جيدا ونصبه علا الغله المراد تجهيزها ثم نغطيها
نتركها حتى تبرد المياة وتشوف الحبه أستوت ولا لا لو لسه مستوتش نسخن كمان شويه ميه ونرمى الميه القديمه ونحط الجديده
بعد ان تتاكد من تسويتها جيدا بس بشرط متكنش طريه قوى تكون يدوب تتكه عليه سنه تلقيها مسكه نفسها شويه
تغير الميه وتحط الغله فى طبق كبير تحت الفريزر وتخلى الميه تغطيها وتسيبها وكل يوم تغير الميه
ثم امسك قمحة واضغط عليها بين اصابعك اذا اخرجت الحبة ما بها والقوام مثل الجبن المثلثات فهذا رائع
ان كانت ما ذالت بها بعض النشوفية اترك القمح فى الماء كمان شوية بعد ذلك انشر القمح على ورقة جرايد وتكون جاهزة للاستخدام .
طريقه (3(
يمكن استخدام القمح المخمر فى ماء بارد بعد 5 ايام
بدون غلى بالمرة وبدون شطف اثناء التخمير للحفاظ
على رائحة القمح النفازة ويوضع فى كيس قماش
طريقه )4(
اذا كنت مستعجل يمكن تخمير القمح فى ماء مغلى
بعد غسلة مباشرتا وتغطية الاناء ثم بعد ساعتين
يعاد نفس الموضوع مرة اخرى وبعد ساعتان يغلى
القمح على نار هادئة ويلاحظ باستمرار واول ما تفتح
اى قمحة اطفى النار وانشل القمح بواسطة مصفى
شاى وانشرة على ورق جرايد
و كمان فيه طريقة حلوة للصيد بالغلـة (5)
بنجيب نصف كيلو غلة و تغليه لمدة 3 دقائق لقتل الجنين و تنقعه في مياة لمدة يوم حتلاقي حبة القمح فتحت شويه و تنفخت
بنجيب سنار 01 سلك خفيف عدل و نعمل وش مجوز بشعر 30 أو 35 وطول الفردة في الوش متر تقريباً و التطعيم بنحط على كل سن حبة غلة على طرف السن الحامي و الغماز (العوامة) أصغر غماز موجود و الرصاص ورق (زي صيد البوري) و نرقد السنون على الأرض و عند أول نقرة في الغماز (هات السمكة على الشجرة) ده مصطلح معناه أشكم شكمة جمدة و بسرعة
و بنحضر الدور ده بطريقة الميرايه ودي سهلة خالص
أولا : لما بتختار دور الغلة لا زم تكون الأرض من تحت (المياة) مسطاح طين يعني أرض طين مافيهاش نباتات و لا حجارة و لا غيره
ثانياُ : ننثر نصف قبضة غلة من بتاعتي (المنقوعة المفتحة ) إللي هصتاد بيها في أرضية الدور و أعمل لنفسي من تلآثة إلي أربعة مرايات في نفس المكان و أصتاد عليهم بالدور بعد ساعة من نثر الغلة
وعند الصيد بها بنظفر في دايرة كبيرة 5 متر اثناء التجهيز
والجلوس علي جونه بعيد عن التيارات المائية
وعند انتهاء التجهيز صغر دايرة الظفر تحت رجلك 4 او 5 حبات في كل مرة
السلاح 7 او 8 عسلي
حبة غله واحدة علي كل سلاح تغطي السن فقط
اتنين سلاح تحت التقل 20 سم بفاصل 5 سم

وعلى فكره هيه موجوده جاهزه و تباع لدى محلات ادوات الصيد وتقريبا الكيس بحوالى نصف جنيه
ملاحظه هامه فى الصيد بالغله
لا تترك السناره فى الماء مده طويله بدون تحريك (حرك كل شويه ) يعنى ارمى جوه واسحب عليك ناحيه الغله الموضوعه على الجسر لان السمك بينقى الغله الى انت رميها جوه ويدور على الغله الموجوده على الجسر
يجب الجلوس متخفيا يعنى ابعد ما تستطيع عن الدور يعنى يا دوب تبقى شايف الغماز علشان السمك فى الغالب بيطلع على الجسر علشان ينقى الغله الموجوده والمفروض انه موش يشوفك علشان ما يخافش ويهرب من الدور.

الريــــــــــم
التعريف:
الريم وهو نوع من الطحالب المائية التى تتواجد فى البيئة الطبيعية للاسماك وهى لا تصلح الا للاسماك التى تتغذى على النباتات وهو نبات اخضر ينمو علي جنبات احجار النيل وفي اي مكان يوجد به هدار او منحدر كبير للماء
وهناك نوعين من الريم هما ( الزفر ) و (الأسواني) أما الزفر بيكون مش مغسول كويس و خشن حبتين ولونه أخضر غامق و فيه دود أحمر رفيع جداً ( الدود مش شرط) أما الأسواني فلونة أخضر زرعي و شعره طويل و نظيف جداً
ملحوظة : دائما اشترى الريمه الفاتحه وتكون صابحه سواء ريمة الترعه او ريمة اسوان
انواع السمك :
البلطى والبنى والمبروكة
اوقات الصيد :
أفضل وقت لصيد الريم فى الصيف أو يكون الجو دافى
و في النهار فقط ويفضل بعد الظهر
اماكن الصيد :
لازم يكون الدور المية ماشية يعنى مش واقفة
ويفضل في صيد الريم إن يكون الدور بجوار الليخة (نبات الحلفا أو البوص)
تجهيز الدور:
الطريقة الأول :
هذه الطريقة بتستخدم في الأدوار الضيقة نحضر ورقة ريم (لفة ريم 50 جرام ) و ناخد قبضتين طين من الأرض و نقسم ورقة الريم إلى جزئين و نضع الريم بالطول في كل قبضة طين بحيث يكون فيه شرشوبة من النحيتين و نرميه في المية في عكس إتجاه التيار بمسافة 20 متر من مكان الصيد و الطين هيتفتت تلقائى و يخرج الريم شعرة شعرة .
الطرية الثانية :
و تسمى البراشوت (ودي بتستخدم في الأدوار المفتوحة) وهية بتاخد من الريم هنا مجموعة شعر بمجموعة شعر المجموعة بحيث نقسم ورقة الريم على عشرة و نربطها بخيط قطن في حجر صغير في حجم البلحة وتلقى بالعشرة في شكل نصف دايرة حولك و على مسافة 20 متر
الطريقة الثالثة
نأتى بزجاجة مياه معدنية و نضع بها تذكرتني ريم مقطعة و مفرية وتوضع في الزجاجة المملوءة نصفها ماء و ترج جيداً و يتم تفريغ محتواها أمامك عند ردة المياة حتى يخرج الريم عن المنطقة التى ترغب في الصيد منها
طريقة الصيد :
خيط الترميل يفضل ان يكون خفيف يعني 20 او 18
السن 10 او 12 لان السمكه بتبلع فدائماً اختار سن الريم مفتوح والحربه حاميه وطويله وتكون السلكه رفيعه
ولو الدور غويط وما فهوش شر كبر السن حسب حجم السمك
ويتم اخذ خصله من الريم رفيعه طولها 5 سم
وتمسكها من المنتصف وتضعها على رأس السن من المنتصف من عند الخيط بحيث يكون الطرفين سايبين
وتبدأ تلف النصف الاول على السن بدايه من رأس السن المترمل وتظل تلف حوالي 6 لفات الى ان تصل الى سلاح السن
ثم تبدأ بلف النصف الثاني فى الاتجاة العكسي للف النصف الاول
وتسيب الباقي مدلدل من السن
الفله صغيرة ورصاصه توزنها بحيث ما يكونش ظاهر من الفله غير الشفاطة
لو كنت عايز تصتاد بالريم بمعنى إنك لما تكون رايح تصتاد في حتة جديدة بالريم تاخد معاك ورقتين زفر وورقتين أسواني و تحضر الدور بتاعك و تجرب الزفر ساعة و الأسواني ساعة و تشوف اى منهم هيشتغل أكثر
طريقه حفظة :
في ورق جرائد مبلل ولازم يكون رطب دائماً ويتم وضعها فى درج الثلاجة قبل الصيد بيوم واحد ليس اكثرلانها ان لم تكن طازة بتشيط وتسود واثناء الصيد تكون فى مكان ضل .
ملاحظة بعض النصائح :
-افضل وقت للريم بعد العصر .
-لازم تكون المياه حامية يعني مياه ماشية وانت ترمي والغماز يمشي لما يوصل المسافة اللي انت محتاجها .
- كمان لازم تحاول ان تكون المسافة بين الغماز والسن مقاربة لعمق المنطقة اللي انت بتصطاد فيها لان السمكة الجعانه بتاكل في الارض تحت وانت مش شايفها ولما تلاقي الريم ماشي أمامها بتضرب عليه .
- كمان لازم تطول المسافة بين السن والرصاص بمسافة 1 متر تقريبا لان السمكة حساسة ولو شافت الرصاص وهي رايحة تاكل هتخاف وترجع تاني .
- و يكون خيطك 25 او 30 والسن يكون ما بين 7 الى 10 والريم يكون حولين السن ويكون طالع من السن بمسافة 5 الى 10 سم .
- وكمان انت محتاج بوصة 360سم على الاقل .

العجينــــــــــــه
التعريف:
تعتبر العجينه من اسهل انواع الطعم وارخصها واكثرها انتشارا خاصة في المناطق الريفيه التي يصعب الحصول فيها علي اي نوع من انواع الطعم الاخري واختلفت الاراء في طريقه صنعها التي تتوقف علي عوامل عديدة منها نوع السمكة المراد صيدها
اماكن الصيد :
يتم اختيار مكان هادى وياحبزا لو كان مدور والمدور هو مكان يلتف به جانب النهر او الترعه لتاخذ شكل نصف دائره فتهدا حركه التيار فيها ويفضل ان يكون الدور بجوار نباتات او حشيشة كتير فى الماية
اوقات الصيد :
من اول ضوء النهار الى اخره ويتم استخدمتها بالليل لصيد القراميط وعيب الصيد بالعجينه فى الليل هو ان السمك بياكل على فترات متباعده ولكن حجم السمك كبير ولذلك لا تسطيع العجينه الصمود على السناره فترات طويله
انواع السمك :
بلطى وبنى ( راى ) ومبروكة وشلبية وبوري
والعجينه الزفرة قراميط وبياض
طريقة الصيد :
سنار رقم 6و 7 او 8 و9 و 10 فرنساوى مع خيط 30 او 35
الفلة صغيرة جدا مع حتة رصاصة ورق تخلى المياة واقفة عند اول الفلة وطول الوش على حسب عمق المكان ويفضل ان الغماز يكون قريب من الشط بس مش لازق فيه يعنى ما بين الشط والغماز متر ونص مترين والوش حوالى متر او متر ونص ده حسب عمق المياة
وممكن تشتغل حداف عادى خالص وبدل السنار نعلق فى المدور العياشه ويتم عمل العجينه على شكل قرص ثم بعد ذلك نشك السنار فى اطرافها ثم تغطى السنون بالعجين ونرفع العجين على الخيط
ولعمل العياشة بترمل 5 وشوش عادي بس طول الوش 50 سم لازم يكونوا طول واحد وتجمعهم مع بعض وتعمل عقدة من بعد السنون بـ 5 سم ومن فوق تسيب 5 سم وتعقد والمسافة اللي بين العقدتين تلزقها بأمير بحيث يلتصق الخيط ببعضه او تركب شفاطه فيها لكى لا تشتبك ببعضها كما يمكن استخدام العياشة على العايم بفلة بيضه من اللى بتلف الوشوش عليها حجمها 5 سم فى 5سم وارتفاع 2 سم يتم خرمها من المنتصف وتمرر الوش الخاص بالعياشة منها من الطرف الاعلي الى ان تصل الي العقدة الخاصة بالسنون وتعقد عقدة تانية من فوق الفله عشان الوش ما ينزلش لتحت بمعنا هيكون فى عقدتين كبار قبل وبعد الفله مباشرة
ويتم عمل العجينه على شكل قرص وتمررها من السنون وترمي هتلاقي السمك الصغير فضل ينقر فيها وتجمع وساعتها هيغري السمك الكبير فيدخل عليه وممكن تجيب السمكة من اي حته خاصة زعنفه الظهر واول ما تشبك ارفع وما تسبهاش عشان الدور ما يبوظش وارمي تانى على طول .
تجهيز الدور:
تظفير الدور بقطع صغيره جدا من العيش المبلول بكميات قليله على فترات حتى يتم جذب السمك للمكان وليس بكميات كبيره حتى لا يشبع السمك .
طريقه حفظة :
توضع فى اكياس فى درج التلاجه
طرق تحضيرها:
هناك انواع كثيرة جدا ومعظمها متشبها او مشتركة باختلافات بسيطة بينهم وسوف نستعرضها جميعا للالمام بجميع انواع العجائن المستخدمة فى صيد انواع الاسماك المختلفة فى العازب و المالح :
1- العجينه الجافه (غليظه القوام):
وهي تستخدم لصيد اسماك البلطي
عبارة عن عدد 2 رغيف بلدي طازج تبلل بالماء وتدعك باليد حتي تصبح عجينه متجانسه القوام وقد يضاف اليها قليل من الماء مع الدعك باليد حتي الوصول للقوام المطلوب
وهي من افضل انواع العجينه لصمودها وقدرتها علي التحمل علي السلاح بالإضافة الى تفتت الرده من العجينه الموضوعه على السناره وانتشارها فى مكان الصيد مما يجذب مزيد من السمك .
2- العجينه الزفرة:
وتستخدم لصيد القراميط
عبارة عن عدد 2 رغيف بلدي ني ويضاف اليها دم ذبيحة وكميه من الحنتيت وتخلط جيدا وتدفن في الارض في منطقة معرضه للشمس لمدة ثلاثة ايام (لها رائحة زفرة قويه جدا لن تتحملها) نظرا لوجود الخميرة في عجينه الخبز ودم الزبيحة والحنتيت
وجميعها تحللت تحت تاثير اشعة الشمس وممكن تضيف زبل حمام او زبل ابو قردان وهي فعاله في صيد القراميط
بالنسبه للحنتيت يباع عند العطار بالجرام وبـ 5 جنيه يكف
الرجوع الى أعلى الصفحة اذهب الى الأسفل
محمود الالفى
بحراوي جديد
بحراوي جديد


عدد المساهمات : 16
تاريخ التسجيل : 21/03/2010

مُساهمةموضوع: تابع انواع الطعم   الإثنين مارس 22, 2010 4:46 am

الفواكـــــــه
التعريف:
صيد صعب ويحتاج لصبر
اماكن الصيد :
اماكن تواجد المبروكة بجوار الحشائش
وقت الصيد :
في النهار
اما بالليل للقراميط
انواع السمك :
القراميط – المبروكه – البني – البلطي - قشر البياض
طريقة الصيد :
يحتاج الى رمال السنارة 40 أو 50 على الأقل ويكون على المكنة خيط 50 على الأقل والرمى حيكون حداف ولازم يكون معاك جدالة أو شوكة علشان تطلع السمكة .
يتم استخدام العنب البناتى في الاماكن التى يكثر فيها سمك القراميط و القرموط سمكه رمرامه تاكل اى شىء و العنب البناتى يستهويها وهى طريقه سهله يتم تثبيت سنارتين اسفل الرصاصه لان القرموط يتغذى من القاع على بعد 25 سم للسناره الاولى و50 سم للسناره الثانيه و ويتم ادخال 7 حبات عنب الى 10 حبات فى منتصف العنبه بحرص مكونه شكل حبات السبحه ويكون العنب مغطى السن وبقيت العنب مثبت فى بقيه الخيط اعلى السناره وعند جذب السمكه للطعم لا يتم جذب البوصه سريعا حيث ان القرموط بخطف حبه او اثنين من العنب ويبتعد ثم يحوم مره احرى حول نفس المكان مبتلعا للصناره وبقيه العنب وهو فى صيده ممتع حيث انها اسماك قويه
لاستخدام العنب يستخدم شعر 40 على الماكينه وشعر 35 لترميل السنون والسن المناسب للعنب هو رقم 6 او 7 فرنساوى والقراميط تفضل المياه الهادئه وليس السريعه ويجب التعامل بصبر مع السمكه حيث انها سمكه قويه و ممكن تقطع الشعر .
للصيد بالجوافة
نحضر واحدة الجوافة وتقطعها اربعة وتاخد ربع تعدى السن من ظهرها وتشبكة فى اخرها
مفيش احلي من الجوافه البلدي اللي ريحتها تبان من علي بعد
للصيد بالبلح
بيكون بلح رطب أسود فقط وتشق البلحة نصفين بالطول وترمى النواية وتدكك النصف الأول زي ماتكون بتخيط بالأبرة ونرفع النصف ده على الخيط من فوق وتكرر نفس الطريقة على النصف الثانى وتشبك السن فى أخر البلحة من ناحية ما السمكة حتاكل
بالنسبة للصيد البلح أو البوشة
أولا يحتاج الى رمال السنارة 40 أو 50 على الأقل ويكون على المكنة خيط 50 على الأقل
ثانيا السنارة حتكون 01 أو 1 أو 0
يعنى حتكون كبيرة لأن السمكة اللى حتطلع مش أقل من 4 ك
ثالثا الرمى حيكون حداف
رابعا لازم يكون معاك جدالة أو شوكة علشان تطلع السمكة
الصيد بالتوت :
يتم تركيب توته على سن 8 وتشتغل غماز وياسلام لو المكان اللي بتصتاد فيه تحت شجرة توت
ممكن تشتغل بفله تسريح كبيرة
تجهيز الدور:
رمي كميه صغيرة من نفس نوع الطعم
طريقه حفظة :
في الثلاجه طبعاً
طرق تحضيرها:
لا تحتاج لتحضير

تابع الموسعه للطعم
النسيـــــله
التعريف:
نوع من الحشائش ينمو على ضفاف النهر والنوع المستخدم هنا نسيله باردي مش نسيله غاب لان نسيله الباردي اطري واخف حديه من الغاب والسمكه بتقبل عليها اكتر
اماكن الصيد :
مياة هاديه بجوار الحشائش
وقت الصيد :
بالنهار
انواع السمك :
المبروكة ونادر لما بتدخل عليك غلطات بلطي
طريقة الصيد :
فيه طريقتين الطريقه الاولي بتكون برصاص وغماز ريم يعني تقل يوزن غماز متساوي نازل بسحبه وحجمه كبير
وسنون 6 فرنساوي دقنه واسعه
طريقة التطعيم بنفرك النسيله في السن كويس اوى وبعد كده بنلفها علي السن لحد ما نخفيه وبنساوي اولها مع طرف السن
الطريقه الثانيه (ودي عاوزه صياد ايده حسساسه اوي (
بنجيب غاب افرانجي مفرغ بنروح لاي واحد من اللي بيعملوا كراسي جريد نخليه يعمل حلقه وتكون واسعه ويستحسن لو معاك اكتر من حلقه بنضع الحلقه بتعوم علي وش المايه وبنربطها وثبتها زي العياشه بالضبط وبنرمي في حدود الحلقه نسيله (يعني كانك بتنصب دور غله بالضبط(
وبتستني شوية لحد ما تنزل وتنزل زي الغله متكون واقف عمودي علي الدور تكون بعيد عن الدور
وفيه حاجه من الاتنين يا اما بتطعم زي الطريقه اللي فاتت وتنزل بحيث يكون الطعم تحت الحلقه مباشرتا
وتجيب نسيلة او اعواد ذرة اخضر وتيجى رابطهم فى بعض على شكل حزمة وبعد 2 مترمن الحبل تجيب صخرة صغيرة نظام تقل وترميها فى الماء وتكون ماسك اول الخيط فى ايدك وتقعد حوالى ربع ساعة هتلاقى الخضرة الى انت راميها بتتشد والسمك عمال يشد فيها تقوم جايب عرق من قلب الخضرة يكون طرى وتطعم بية زى شغل الريم بس يكون السن كبير والخيط حوالى 40 او 50 وربنا معاك
تجهيز الدور:
الطريقه دي مش محتاجه تظفير لان طبيعي اننا بنصطاد جنب مصدر للنسيله
طريقه حفظة :
لا تحتاج

الحشــــرات
الصرصار )الفانتوم (
التعريف:
غني عن التعريف (الصيادين بيسموه فانتوم) و الصراصير لها رائحة زفاره يعلمها السمك تماما يعني ما ينفعش معاة صناعي لان نسبة البروتينات فيه عاليه جدا وأصحاب العلم يشبهونه بالجمبرى ويقال ان الجمبرى هو صرصار البحر وإن تواجد فى المكان يبأي السمك مش هياكل غيرة
اماكن الصيد :
بالقرب من الشاطيء
وقت الصيد :
بالليل والنهار
انواع السمك :
احسن طعم على الاطلاق وبدون مبالغة لافضل سمكة فى النيل وهى البلطى
طريقة الصيد :
فله زي صيد الطعم على سن 8
ويقسم الى نصفين إن كان من الحجم الكبير
تجهيز الدور:
مش محتاج
طريقه حفظة :
برطمان مثقوب ثقوب صغيرة من الغطا
طرق تحضيره:
يباع فى بعض محلات الصيد بربع جنيه الواحد
وطبعاً كلنا عارفين بنجيبه منين
هتحط قماشة عليها لزقة صراصير ممسوحة كويس فى الشارع بليل عند أى طوب أحمر أو زبالة أو ما شابه , أو فى منور البيت الصبح هتلاقى القماشة غرقانة صراصير
ونستخدم جوانتي طبعاً لانه بيحمل بكتريا كتير اوى ضارة
الحفار ( كلب البحر (
وهو كائن مؤذي بشكل كبير لانه يتغذي علي جذور النباتات فيسبب جفافها
وهو يكثر في موسم زراعة البصل والاخوة مزارعي البصل يستخدمون له سم خاص للقضاء عليه

السمسم او ابو النطاط او البرغوت
التعريف:
هى حشره ويعشقها السمك وهى صغيرة جدا مثل الخنافس تعيش اسفل طين الترع تقفز فى اول فرصه من الصياد لذلك اسمها ابو النطيط واعلم انها اذا تم الصيد بها انتهى انواع الطعوم الاخرى
اماكن الصيد :
افضل مكان هو الترع
انواع السمك :
البلطي
طريقة الصيد :
يصعب التعامل معها اى انها حشره صغيره تحتاج الى سن صغير وحامى جدا نمره 10 واقل .
ونطعم ب 3 وتطعم مع السن الاولى والثانيه بالعرض والثالثه مع السن وجزء منها فى الخارج. .
تعض السمك عليها شد بهدوء تام واترك الخيط تجد السمكه تسحب الغماز بقوه اضرب والرازق هو الله .
معلومه هامه لا بد من ان يكون الغماز صغير جدا ومحرر بزياده فى المياه .
الرمال صغير جدا والسنون قريبه الفرق لا يزيد عن 5 سم بين السن والاخر .
تحضير الدور:
السبله .. ارمى بها فى المياه واترك المكان فتره نصف ساعه فيجمع السمكه ويتم الصيد بعدها بالسمسم .
المصارين او الطعم الدولى
التعريف:
يطلق عليه الطعم الدولي وهى مصارين الفراخ او البط او الحمام
و مصران البط او الحمام الاولى لانها زفرة جدا والتانية لانها بتبقى صغيرة وسهل تدكيكها
اماكن الصيد :
تعمل فتحة فى الهيش اوالبوص او ورد النيل
وقت الصيد :
باليل من شهر 5 إلى أخر شهر8
الاسماك:
القراميط - الثعابين - ممكن غلطات
طريقة تحضيرها :
حضرتك بتجيب المصارين من عند بتاع الفراخ
و تفرزها من بعضها وتضعها علي خمس ست ورقات جرائد فوق بعض وتضعها في مكان جيد التهويه وترش عليها ملح وتقوم بتغير الورق علي فترات حتي يتماسك قوامها لانها بتبقى مظفلطة اوى وصعب تتحط على السن ثم تقوم بتقطيعها
يفضل تبقى طازة مش مملحة وكمان ممكن تقفل عليها الكيس لمدة 6 ساعات بتبقى ريحتها فظيعة وبتجذب القرموط من اى مكان ويمكن حضرتك تحشيها توم مفروم بيغرى القرموط جدا وخصوصا ان حضرتك عاوز القرموط بالذات لأن المصران ممكن يجيب معاك بياض ورعاد وبلطى .
طريقة الصيد :
شعر من 60 الى 80
ماكينة قوية جدا وسريعة
فيبر ناشف ويفضل من 3.6 الى 4.5 متر
سن من 01 الى 05 ملوى وسلاح محمل معلقة طويلة بحربتين على المعلقة
طريقة تركيبها في السن تغرز حته وتخرج حته مش تدككها لو دككتها مرة واحدة هتطلع بسرعة
ويفضل تشتغل غماز او على المعلق لأن القرموط بيخش عليه من تحت لفوق
والمهم ان حضرتك ماتجريش على الفيبر من اول ضربة ولكن تستنى بعد ضربتين تلاتة على الاقل لان القرموط سمكة ذكية جدا بتشد الطعم الاول بشواربها عشان تدوقه وتطمن وبعدين بتضربه بديلها ولما تتأكد ان الدار أمان بيدخل بجشع يبلع على طول
يفضل انك ترمل السنار منه فيه يعنى على الخيط الرئيسى على طول بدون مداور او غيره وممكن تستخدم قشرة رصاص خفيفة وبلاش التقل الكبير
تجهيز الدور:
بصنع فتحة في وسط البوص والهيش ونقوم بتزفير الفتحة بإلقاء المصارين فيها ثم نقوم بعد حوالي نصف ساعة بإطعام السنارة بالمصران وعقدة جيدا ثم إلقائة في الفتحة وترك السنارة معلقة لكن كن حذرا فالقراميط غاية في الشدة والذكاء فابعد عن المكان قدر الامكان
طريقه حفظة :
الفريزر
القــوانـــص
القوانص شغاله كويس قوى وبالزات للكوشر لانه بيحب الطعمايه الكبيره ولو قطعتها حتت صغيره فى السخنه الحفاره بتاكل عليها / و فى الصيد كبدة وقوانص الفراخ من على الشط ذلك فى السخنة ولكن فعلا كانت بتشد سمك صغير مش كبير
ثانية يجب الحرص فى استخدام زفر اللحوم و الكبد لانها مليئه بالدم الذى يجتذب القروش ووجودها يعنى هروب الاسماك الاخرى
المهم بالنسبة للكبدة عشان تثبت على السنارة :
1- قطعوها قطع صغيرة
2- اشووها على نار قوية لفترة بسيطة يعني تلدعها النار من برا تصبح قاسية من الخارج ولينة من الداخل .. وكمان تفوح منها رائحة تجذب السمك
بس لما تستعملوها لازم إخراجها من الماء كل 10 دقائق وتبديلها لأنها تصبح رخوة

الهـــابوش ( هاموش )
و دا بيتلم علي انارة الاعمده الصفراء بيكون فراش ابيض وبتلاقي منه كتير حوالي اللمبه وهتلاقي واقع منه كتير علي الارض
ودي يا جماعه عن تجربه اجمد انواع الطعوم اللي ممكن تصطاد بيها لان البياض بالزات بيعشقه
الطريقه :
ده له طريقتين في صياده
زي الغله يعني غماز حرامي وتقل خفيف
وبيكون السن 6 فرنساوي بس سن شقط يعني طرفه معوج
طريقه التطعيم انك بتحط علي السن حوالي من 6 الي 7 هابوشات بتعدي السن من منتصفهم
وتاني طريقه انك باردوة تصطاد بنفس السنون وبنفس طريقه التطعيم بس من غير لا غماز ولا تقل يعني علي وش المايه تعويم يعني بشرط في الطريقه التانيه يكون خيط علي الماكينه 60 من نوعيه كويسه يعني يا الماني يا فرنساوي والترميل يكون ب45
طبعا لان السمكه اللي بتاكل من علي وش المايه بتكون تقيله وسريعه يعني لازم يكون معاك عود تمام ومرمل وخيطك علي الماكينه تمام
ولما تيجي تشد تشد عكس اتجاه السمكه
التزفير :
بيكون بهابوش بترميه علي وش المايه في مكان ميت يعني مياه رقده

الطعم الحى
احسن انواع الطعوم على الاطلاق هو الطعم الحى وهذا بشرط الخبرة فى استخدامة و توجد عدة طرق لوضع السمك الحي في السن على سبيل المثال من مكان العينين و من الذيل ومن خلف الزعنفة الظهرية للسمكة و كثيرا غير ذلك ولكن أحسن طريقة للمحافظة على السمكة حية الـــطـــريـــقــة الأولـــى : أن يكون السن خلف الزعنفة الظهرية للسمكة و بعيدا عن منطقة وسط السمكة لكي لا يخدرها و يجعلها معيبة من و جهة نظر سمكة القشر بياض .
و يوجد خط في و سط السمكة ولونة مخالف عن باقى السمكة و هو فى الغالب لونة أغمق من لون السمكة أيا كانت و يكون السن أعلى هذا الخط .
الطريقة الثانية : هي وضع السن قبل ذيل السمكة و هذة الطريقة جيدة ولكنها ليست مناسبة لسمكة القشر بياض لإن تلك السمكة تأخذ السمكة الطعم و تجري بها و تظل تلفها داخل فمها لكي تستطعمها قبل البلع التام ففي ذلك الوقت من الممكن أن يفلت السن من ذيل السمكة .
الطريقة الثالثة : وضع السن في العينين . من الممكن أن تشعر سمكة القشر بياض بالسن قبل البلع فيطرد السمكة الطعم من فمة وبالتالي خسارة .
فمن وجهة نظري أحسن طريقة هى الـطـريـقة الأولى
طريقة الجمبرى الحى لعدة ايام :
ولهذة الطريقة ضع ربع اليس بوكس ثلج ثم ضع عدد 2قطع كرتونة مساوية لحجم الايس بوكس فوق الثلج ثم احضر شوال خيش مبتل بلماء ومطبق على مرتين وضع الجمبرى الحى وغطى بلشوال وكثيرا من الصيادين نصحو بها بعد التجربة.
واحب اضيف طريقه اخرى للحفاظ على الجمبرى حى و هى سهلة جدا و على طول باعملها و نتائجها معى كانت ممتازة
تجيب حضرتك صندوق فوم ابيض او ممكن فى ايس بوكس قديم و بتحط الجمبرى الصاحى فيه و تملاه ميه مالحة من البحر و بتجيب موتور سمك من النوع اللى بيشتغل بالبطاريات و تثبته خارج الأيس بوكس او الصندوق الفوم و بتوصل الخرطوم للميه مع ربط تقل فى الخرطوم لأنه بلاستيك عشان مايطفوش و يقل كمية الأكسجين التى تضخ الى الماء . لو كمية لجمبرى اكتر من كيلو هتحتاج الى موتور اضافى لايجاد كمية اكسجين كافية للكمية الأضافية و بالطريقة دى هايعيش معاك لفترة طويلة لحد ما توصل مكان الصيد.
لما بتوصل مكان الصيد بتكون مجهز بستله بلاستيك كبيرة و مخرمة اخرام كتيرة و صغيرة ( التخريم ممكن بشنيور او مسمار سخن) و بتثبت فيها منخل حجر كبير و تقيل و بتربط فيها حبل من النوع المتين جدا. بتفضى الميه من الأيسبوكس و قبل ما تحط الجمبرى فى العياشة البلاستيك رش عليه ميه مالحة من المنطقة الجديدة اللى هتصطاد فيها لأن الجمبرى خلال زمن الرحلة و قلة الضوء داخل التلاجة بيحصل له نوع من الخمول لو صدمته مرة واحدة بميه درجة حرارتها مختلفة عن اللى كان قاعد فيها بيموت كمية كبيرة منه نتيجة هذه الصدمة و بتكرر الموضوع ده كام مرة لحد ماتلاقى الجمبرى بيطنطط تبتدى تحطه فى العياشة و تقفل عليه و تنزله الميه
هام جدا التامين على العياشة بربطها بحبل متين فى مكان جيد عشان البحر مايخدهاش و احضر معاك جردل صغير و طلع من الجمبرى كميات صغيره على قد الصيد و حاول تغييرله الميه كل نص ساعه عشان مايموتش من قلة الأكسجين او سخونة المياه
لما تشترى جمبرى حى وعاوز تصبره لحد ما يحين وقت الصيد سواء بعد يوم او يومين كنت تضع الجمبرى فى المياه المالحة وتلاقى بعد فترة ان المياه أصبحت قذرة ومحتاجة للتغيير والا الجمبرى هايموت احسن طريقة تشترى القواقع بتاعة حوض السمك من عند بتوع السمك وتغسلها كويس وبعدين تحطها فى الجردل ويفضل ان يكون الجردل لونه غامق لأن الجمبرى ما بيحبش الإضائة وسوف تدهش كيف ان المياه اصبحت صافية ومافيهاش عكارة والجمبرى مستخبى فى القواقع
هذه الطريقة نحتفظ بالجمبرى لمدة اسبوعين لحد ما جاع وبدأ يأكل بعضه تلاقى الجمبرى مص الجمبريراية وبقت فاضية من جوة .
ضع مكنة هواء بتاعة سمك زينة, و الجمبري حينزل المية بيتحرك بنشاط .
مع بعض النصائح الهامه ثم متابعت باقى انواع الطعم :
1- الاسماك التي تتغذى بأنتظام وبشكل مستمر عرضه للأصطياد بسهولة عن تلك التي لا يتم تغذيتها بانتظام لذلك مقولة ان ( السمك جائع غير صحيحة ( .
2- ان عملية الهضم لدى الاسماك ذات الافواه الكبيرة تصبح بطيئة جدا في درجات الحرارة التي تقل عن 18 درجة مؤية مما يسبب في فقدان الشهية للطعام لدى هذا النوع من الاسماك في تلك الظروف .
3- خلال فترة وضع البيض لبعض الانواع ، البيض هو النشاط البيولوجي وهو المهيمن على نشاط السمكة لذلك تكون عملية الغذاء للسمكة عملية ثانوية جدا.
4- بالنسبة للاسماك التي تأكل اعتمادا على النظر فأن عملية الاكل تصبح معدومة عندما تكون مدى الرؤية في الماء تقل عن مسافة قدمين .
5- الطعم يجب ان يكون من نفس انواع الكائنات التي تتغذى عليها السمكة في محيطها.
6- على الصياد ان يكون صبور وعليه ان ينوع بالطعوم في المكان وان لايبقى اكثر من 15 دقيقة في المكان الا اذا استطاع ان يصطاد سمكة فيه .
7- تختلف مدى قدرة الاسماك على تمييز الالوان بالنسبة للطعوم الصناعية ، فاللون الاحمر للاسماك الاكثر حساسة ولاتراه الا على مسافة قريبة ، بينما اللون الازرق والارجواني هي الاكثر وضوحا في المياه العميقة .
8- نوع الطعم والرائحة له دور كبير في ازدياد احتمال الصيد فيجب الاهتمام به وان الطعم الحي هو من اهم الطعوم التي تأتي بنتائج طيبة دائما.
9- الاسماك في المياه العميقة تبحث عن الغذاء في مستواها والمستوى الاعمق اما الاسماك في المياه القريبة عن السطح فتبحث عن الغذاء بحركة افقية وعمودية مستمرة.
10- عند استخدام الطعوم الاصطناعية الملونة يجب ان تكون السرعة أعلى في المياه الدافئة عماهو عليه في المياه الباردة.
11- عند ارتفاع مستوى المياه فأن الاسماك تتجه بأتجاه الشاطئ ، ففي ارتفاعه تزداد كمية الاوكسجين واختلاف درجة الحرارة مما يجعلها تتجه بأتجاه الشاطئ والبحث عن الغذاء هناك.
12- عند نزول مستوى المياه فأن الاسماك تتجه بأتجاه المياه العميقة ، وفي الاجواء الغير مستقرة والتغيير الشديد في درجات الحرارة يجعل اكل الاسماك قليل ومقتصد.
13- لكل انواع الاسماك درجات حرارة مفضلة التي تكون فيها نشطة وشهيتها للاكل مفتوحة وهذه درجات الحرارة تعتمد على نوع السمكة فلكل واحدة درجة حرارة محددة ، ودائما تكون السمكة باحثة عن تلك الدرجة بتنقلها من مكان لاخر.
14- المياه العكرة والغيوم تمنع من ورود الضوء في المياه ممايسبب ضعف التغذية للسمكة فيتجه الصيادون الى علف اماكن الصيد في النهار.
15- الضغط البارومتري له تأثير كبير على الاسماك ، حيث انخفاض الضغط يؤثر على الاسماك ممايجعلها اكثر حركة باتجاه الشواطئ وامكانية الصيد تكون عالية اما ارتفاع الضغط البارومتري فأنه يقلل من حركة الاسماك ويجعل عملية الصيد صعبة.
16- اتجاه الريح له تأثير ايضا على الصيد ، حيث الرياح الشرقية تجعل السمك قليل الاكل على الرغم من ان اتجاه الريح في بعض الاحيان لايؤثر بقدر تأثير العوامل المناخية المصاحبة للرياح.
17- الغيوم والبرد القارص يحد من حركة الاسماك بدرجة كبيرة لذلك تكون حركتها في الصيف اكثر مما هو عليه في الشتاء.
18- الاسماك الكبيرة هي الاكثر فعالية وحركة في الظروف المظلمة او التي يكاد ان يكون فيها الضوء معدوم .
وفيما يلى نستعرض انواع الطعم المختلفة الخاصة بالمياة المالحة :
تعيش معظم أسماك البحر الأحمرو الابيض في بيئات قاعيه و القلة الباقية تعيش في البيئات السطحية والعادات الغذائية:
وجد أن 90% من أسماك البحر الأحمر تفترس الأسماك و اللافقاريات بينما تتغذى 10% منها على الطحالب و الهائمات.
انواع الطعم هى:
السردين
الجمبري بانواعــــه
الجرايات ( الكابوريا الصغيرة )
الجلاجوله
الكوكارا (صرصار البحر )
التطعيم بالتعــــــابين
أم الخلوم والبكلاويز
الكليمــــــــــاري
السبيط
الماكــريــل
السردينيلا( السردين الروسى)

الســــــرديــــن
من افضل الطعوم من وجهه نظري وعموما فصيله السردين كلها بانواعها نظرا لاحتواء السردين علي نسبه عالية من الدهن تصل الي 46% من الوزن الجاف وكذالك الاملاح المعدنية والمواد المفيده مثل الاوميجا 3 وهذه المعلومه عرفها الانسان بالدراسة والتحليل اما الاسماك التي تتغذي علي السردين فعلمها الخالق سبحانه وتعالي فتجد ان معظم ان لم يكن كل الاسماك السريعة والمهاجمة لالاسراب تفضل السردين كفريسة.
ويمكن استخدام السردين كطعم كالاتي
1- قطع صغيرة علي سبحه للميرة والغلنفيش
2- حي بالتسليك للمياس والدراك والاناشي
3- مقطع انصاف للدراك الصغير من الشاطيء
4- كوبش علي عوامات سطحية للتونه واللمبوكه
5- مفتوح ومقلوب ( شريحة ) في حداف للوقار
6- مقطوع الرئس علي سن 1 بساق للمياس بالبوصه العاديه
7- اللحم فقط علي سن 24 للبوري الجعبوب وقت التزاوج علي العايم من 2متر الي 3
8- اللحم فقط بنظام البالون والربع للبوري ايضا في موسم التزاوج علي عمق كبير
بس حابب اضيف حاجة هو ان الصيد فى البحر الاحمر يفضل استخدام الماكريل كطعم عن السردين وذلك يرجع لوجود ظفارة اعلى فى الماكريل عنه فى السردين
اما عن السردين مملح ام لا لو بترمي من الشاطيء بماكينه مثلا من شاطيء رملي او صخري يفضل السردين المملح حديثا يعني تخلطه بالملح وانت علي البحر مطلوب يكون اللحم ناشف شويه علشان يستحمل الرمي وما يقعش من السن ويكون محتفظ بزفارته علشان يجمع السمك ولو الصيد من مياه ساكنه زي الميناء يفضل طازج بدمه علشان تاخذ ميزه عن من حولك والسردينلا طبعا ملكه الساحل الشمالي .
والترميل للغلنفيش في الساحل الشمالي سبحه 4 فروع وفي الميناء او المياه الساكنه جوز واسع .

بالنسبه للسريدن :
اشتري كميه معقوله تكون فريش وقطع الواحده منهم لقطعتين او ثلاث او حتى تكون سليمه (طبعا حسب طول السردينه وحجمها)
ورصهم على ورق جرايد وغرقهم من فوق ملح وسيبهم ف الهوا وارجع بعد ساعتين اقلبهم تاني على ورق جرايد جديد ثم فى كيس بلاستك ثم يحفظ فى الفريزر و اشترى سردين بس مش مهرى و مش احمر العينين لضمان تماسك جسمه و ياريت صغير عشات تحط الواحده على بعضها فى السن

الجمبري بانواعــــه
الجمبري البرغوت ( الميكروسكوبي )
يعتبر البرغوت من أشهر أنواع الطعوم في البحر المتوسط وفي المياه العذبه على السواء ، وترجع هذه الشهرة لرخص تمنة وإقبال العديد من أنواع الأسماك علية في البحر والترع ، ويتم لقف البرغوت من المياه العذبة الضحلة ،وحجم البرغوت لا يتعدي عقلة الأصبع ، ويقل حجمة في الصيف ويكبر في الشتاء وسعره يتراوح ما بين 12 و20 جنيه للكيلو
ويصلح لجميع انواع الأسماك بما فيها الدنيس والشراغيش والمرمار والمرجان ، والبلطي
الجمبري العقر
من أهم أنواع الطعم أيضا الجمبري العقر ويتم لقفه من البحر المتوسط بشبك الجر في مناطق معينة ، مواسم تواجده بكثرة في فصل الشتاء الا أنه موجود طول العام ، وسعره يتراوح ما بين 12 و25 جنيه للكيلو ، ويتم الحصول عليه من حلقة السمك) الأنفوشي ) أو سوق الميدان ، ويتم الصيد به سواء طازج بقشرة بعد قص الرأس وجزء من الذيل وهو مناسب جدا للدنيس والغوزيلة الكبيرة والوقار والعديد من الأسماك الأخرى ولكن هو الأفضل للأسماك الكبير
كما يمكن الصيد به بعد تقشيرة وتمليحه وهو مناسب جدا للشراغيش والغوزيلة والسبارس والكحلة ، والميرا
و أفضل طريقة لتجفيف العقر بعد تمليحه إنك تضع مع نشارة خشب ناعمة و بعدين تلفه فى ورق جرايد وطبعا نشارة الخشب ممكن تجيبه من أى ورشة نجارة
الجمبري العقر ممتاز في الصيد لان له قوة تحمل علي السنارة وله رائحة مميزة اكتر من الجمبري العادي
الجمبري النطاط
الجمبري النطاط يعتبرمن أغلى أنواع الطعوم في السعر إذ يصل سعر الكيلو من 80 إلى 120 جنيه ، ومواسم تواجده بكثره في الصيف ، ويتم لقفه من البحر من على حواف الصخور بشبكه على شكل مثلث ، وهو مناسب جدا للدنيس والشراغيش ، والحي منه يستخدم في صيد أسماك القاروص عن طريق شبك الطعم من الرأس في السن ويبقى النطاط حي لصيد القاروص ، والميت من النطاط يعتبر من أهم الطعوم لصيد الغوزيلة ويقبل علية كذلك العديد من الاسماك ويمتاز بقوة مقاومته للنتش من الاسماك الصغيرة مجتذبا الاسماك الكبيرة
طريقة حفظة :
كثير منا يصطاد بالجمبري ولكن الجمبري فيه مشكله انه طري ويتقطع وبياكله السمك بسرعه خصوصا اذا المكان فيه سمك صغير هذي طريقة 100% لحفظ الجمبري وجعله اقل طراوه
وهي انك تشتري لك 2 كيلو جمبري او اكثر ويكون جديد وطازج وبعد كدة قشرة و بعدين تجيب لك علبة ملح الطعام وترش نصف العلبه على الجمبري مع التقليب المستمر بعدين اربط الكيس وحطه في الفريزر لمدة ساعتين الا ان يتشرب الملح وبيكون جاهز للصيد وبعد ما تخلص من الصيد لا ترميه لانك تقدر تستعمله مره ثانيه اربط الكيس ورجعه في الفريزر واستعمله اكثر من مره
بعد ما نطبق الطريقة نجد ان الجمبري ناشف اكثر من قبل وما يتقطع بسرعه يعني بيكون لحمه مثل قساوة لحم السبيط تقريبا ونجد ان الجمبري مش بيتلف بسرعه ويطول .
المقدار:
لكل 1 كيلو جمبري مقشر ربع علبة ملح طعام
و يتم صيده عن طريق اللقف بملقاف ودي عملية مش سهلة واماكن صيده بتكون بين البلوكات الخرصانية اللي على الشاطي وخاصة الصخور الموجوده بجوار نادي الكشافة اللي في بحرى وبيكون مع الصايد ملقاف على شكل مثلث ويغطس به ويتم مسح البلوكات بطريقة عرضية وبعد كدة يفرز الجمبري من بين الخضرة وبعد مدة صيد 3 أو 4 ساعات (لزوي الخبرة في هذا المجال )بتكون كمية الجمبري اللي تم صيده لا تتعدى الكيلو جرام
وهناك طريقة اسهل بس متنفعش غير بلليل وهي انك بتاخذ معاك الملقاف وبطاريه وياريت تكون قويه وبتيجي بين البلوكات الي في البحر وطبعا بيكون البحر هادء لانه لو عالي فانسي وبتنور بالبطاريه بتلاقي النطاط بينور في المايه وبيجمع علي الضوء
تقوم لقفه علطول وهكذا
بالنسبة للنطاط حفظة حى
يحفظ في ماء البحر في الدرج الأسفل من الثلاجة أو يفرد على خيشة منداة بماء البحر في مصفاة و يغطى بخيشة خفيفة منداة بماء البحر و أيضا في الرف الأسفل من الثلاجة
لكن طبعا وضعه في إناء فيه ماء البحر أفضل و لكن لابد من زيادة خفيفة في ماء البحر لتجديد الأكسيجين
انا قد جربت تمليح الجمبري والحقيقة هو رائع فمشكلة الجمبري الاولي انه بيتاكل بسرعة او يسقط من السن
اما بعد التمليح فانه يصبح في منتهي الروعة وزي الكاوتش وانا جربت استعماله والسمك بيدخل عليه زي الفل وبياكل فيه زي الجمبري الطازج تماما
جربته في راس البر وفي البحر الاحمر
وهذة الطريقة للتمليح كما اجريتها
يتم تقشير الجمبري ويفضل الجمبري العفر (يعني المحمل شوية)
يتم تقطيع الجمبري الكبيرة الي قطع مناسبة باستخدام مقص لان القطع باليد يتسبب في هري الجمبري
يرش الملح الخشن علي الجمبري بعد فرش الجمبري علي ورق جرائد لا متصاص الماء
يتم تقليب الجمبري برفق من وقت لآخر
يعرض الجمبري لتيار هواء او وضعه تحت المروحة
لايعرض الجمبري للشمس لان ذلك يتسبب في اسمرار لونه
لاتنتظر حتي يجف الجمبري تماما بل اجعل به بعض الطراوة والرطوبة
يوضع في علبة محكمة الغلق ويتم حفظه بالثلاجة لحين الاستعمال
ماتبقي منك بعد الصيد اعد حفظه في الثلاجة دون خوف عليه
البودرة التي توضع علي الجمبري تحافظ علي لونه فلا تجعله يتغير للاسود ولكن ده في حالة الجمبري الطازج مش المجفف
والبودرة دي اسمها (د نكار) وتجدها عند العطار
والبعض يستخدم البودرة التي يستعملونها في اللحام بالاكسجين
ولكن اكرر ده للجمبري بدون تجفيف ويحفظ بالتجميد في الفريزر

الجرايات ( الكابوريا الصغيرة )
كباب الدنيس من أهم لأنواع الطعوم للدنيس الجامبو( 2 كيلو فيما فوق ) الكابوريا الصغيرة وتسمى الجرايات ويتم شراؤها بالواحدة أو الكيلو (تقريبا سعرها من 5 جنية الى 15 جنية حسب مكان البيع و فى المصايف ممكن تصل الى 3 جنية وخصوصا جمصة و راس البر ) ويتم الامساك بها من على الصخور أو نزوحها للشاطئ في وقت الغروب وعلى الأضواء ، ويتم الصيد بها كاملة لو كانت صغيرة وبعد نزع أرجلها ليسهل التعامل معها ولو كانت كبيره يتم نزع الغطاء العلوي لها وتقسم نصفين ويطعم بها وهي بطيئة في اجتذاب الاسماك ، ولا يدخل عليها الا السماك الكبيرة و لونها اسود تتواجد علي الصخور موجودة في الاسكندرية في الميدان ومعاها الجلاجولا .

الجلاجوله
فلتو الدنيس الجلاجولة من أشهر انواع الطعوم لصيد الدنيس الجامبو ايضا ، ويطعم بها بعد تكسير القوقع الخارجي لها واستخراج الحيوان اللي بداخلها ونزع الدوفر الخارجي له والصيد بها كما هي ، ويتراوح سعر الكيلو لها من 5 إلى 7 جنيه وتشترى بكميات كبيره لأنها بتوزن ولا أعلم كيفية اصطيادها

الكوكارا (صرصار البحر )
حبيت اضيف طعم جامد جدا للشرغوش و هو الكوكارا هو ممكن يتقال عليه صرصار البحر (و هو مش مقرف علي فكرة)
و هو بيعيش علي الأعشاب المتواجدة بالمياة و حتي بيتباع مع الأعشاب (شوية اعشاب و فيها كوكارا صاحية)
وهو لة طريقة فى صيدة:
أولا يستحسن يكون الصيد ببوصة مش مكنة لأن الصيد بيه معتمد علي التزفير و يكون في مكان علي حافة شعب او ارض فيها بعض الصخور مش رملية.
ثانيا لا بد من التزفير بنجيب كبشة من العشب اللي عاليها الكوكارا و نحطها في كيس و ندق عليها بحجرة علشان نموت الكوكارا اللي فيها علشان متعومش بعيد و تبعد السمك (و نزفر علي حسب الاكل)
الترميل : علي البوصة
نركب فلة صغيرة بعد اعتبار عمق المياة بحيث الطعم يكون فوق الارض بشبرين.
الشعر بالكتير 30 أنا بافضل الشعر الرفيع و علي فكرة شعر 30 ممكن يشيل سمكة 2 كيلو، انت و مهارتك في المسايسة.
و السن ميكبرش عن 6 و بردو يستحسن اصغر
و بطعمها من نصفها التحتاني صاحية و تداري السن
و عن تجربة ده اجمد طعم للشرغوش و بيضرب عليه كمان السبارس و الكحلة و التيس و السرب و البطاطا الكبيرة و ممكن الدنيس والمرمار الخشابي.
مشكلة الكوكارا انها مش دايما متواجدة.

التطعيم بالتعــــــابين
التعابين ممكن تنقسم الى اتنين فى اول موسم اللوت لما بيكون كتير و جعان و لسه داخل و مع دخول الموسم اكثر بتطعم بالتعبان كله على وش بسنين فوق بعض على نفس الرمال و بعد شوية هتلاقيه ممكن يسيب التعابين و يدخل على الجمبرى لما يقل فى البحر فى شهر 7 مثلا و فى اخر الموسم يفضل اصطياده بالجرانه الحيه
طبعا حجم التعبان بيحكمك اكتر
بالنسبه لتعليق التعبان بعد قصه بيكون الجزء الأسفل الشك من الجزء السميك و ليس من طرف الذيل اما لو هاتطعم بالجزء اللى فيه الدماغ يبقى من الطرف التانى بعيدا عن الدماغ
لو بتطعم بالتعبان و مقاسه صغير يبقى بعد الديل بشوية صغيره قيمة سمك الصباع اما التعبان لو كبير يبقى زى ما شرحت سنين على رمال واحد فوق بعض
و التدكيك بيكون للدنيس و السمك اللى بياكل على الأرض زى المرجان مثلا

أم الخلوم والبكلاويز
بنصطاد بأم الخلول لما يبقى ما فيش طعم تاني
عادة بيكون الصيد بالبوصة العادية من على الشاطيء في الماء المالح نظرا لصغر حجم أم الخلول فالسنار يكون صغير
يصلح في صيد المرمار الصغير و الفليدس و البطاطا
لما تصطاد فى اماكن فيها حجاره والحجاره مليانه بأنواع المحار والقواقع المختلفه بتكون القواقع دى طعم ممتاز ويمكن تطيعم إم الخلول في سن 8 أو 7 (دئن) و علشان تقدر تمسكها و طعمها إتعامل معها زي البرغوتة بعد التقشير إدفنها في شوية رمل بس ما تقشرش غير كف بكف

أما البكلويز
طبعا ينفع تصطاد بالبكلويز لكن أم الخلول لا أعتقد لأن الحيوان الموجود بداخلها بيكون صغير وصعب بل يكاد يكون مستحيل تعليقة على السنارة وإن أفلح تعليقة فالسمكة الكبيرة لن تراة لأنة صغير وممكن مرمارة او شرغوش صغير يدخل علية.
أما البكلويز فأحب أوضح شئ وهو إن البكلويز مش هو الجندوفلي ولكنه من فصائل الرخويات أيضا.
البكلويز طعم جيد جدا في موسم القاروص بس يكون طازة بمعنى الحيوان صاحي وتاخدة تشبكة في السنارة على طول مميزاتة انة طعم زفر جدا ملئ بالدم فبيجمع السمك كبير الحجم فممكن تقطيعة على مرتين و سعرة بيتراوح من 3-5 جنية للكيلو.
أما عن الشكل فهو يشبة القوقع ودائري الشكل في حجم كرة البنج بونج ودة الصغير منه ويصل إلى حجم كرة التنس ودة الكبير منة والمحبذ شرائة بالنسبة للبكلويز ممكن تعرف إنه حي بطريقة سهلة جدا جدا وهي إنة بيكون زي الجندوفلي بمعنى إنة بيفتح القوقع بتاعة ويقفلة تاني لما بيحس بحركة جنبة.
كذلك عند البياع بيفتح وبيقفل كأنة بيتنفس بس هو مش بيكون في مياة.
ثانيا لما تيجي تطعم بية لازم يكون معاك حاجة حادة ورفيعة مثل معلقة وبلاش سكينة علشان ما تجرحش إيدك وتصبر علية يعني تعطيه الامان حتلاقية فتح مصرعية تقوم مدخل الشئ المعدن حيقفل علية بس تقوم فاتحة عالاخر كأنك بتفتح أ م الخلول. وكمان ممكن تحط إصبعك لما يفتح وما تخافش هو بيقفل بقوة بس مش لدرجة إيذاء الاصابع.
بعد فتح القوقع على مصرعية (كسر المفصلة بين الجزئين) تستطيع إخراج الحيوان بسهولة بس من تحت لفوق لكي لا تمزقة.
حتلاقي جزء رخو مثل ملمس الدود الإسمعلاوي وجزء طري جدا إشبك السنارة في الجزء الرخو المتامسك ودككها وسيب بقيت الاجزاء متدلية للتذفير وجذب السمك بس لعلمك دة عاوز سن كبير شوية 5 او 4 كفتة مثلا.
و يكون جنبك فوطة وتعامل بحرص عند إخراج الحيوان من القوقع لانة ممكن يطرطش دم عليك بس هو مش ذفر لما بيكون طازة
رأيت بعض الناس يصطادون بالجندوفلي بس بعد تركة ليجف ثم تمليحة والنتيجة ليست جيدة جدا إلا في الساحل حيث لا يوجد أكل كتير للسمك وبيدخل على اي حاجة.
كما ذكرت سالفا البكلويز طعم ممتاز للقاروص وللدنيس ولكن الدنيس قد يأكل علية عندما يكون بياكل على الطعم الطري زي الدود الاسمعلاوي والعقر المقشر ولكن عندما يكون الدنيس واكل على الحاجات الناشفة فبيحب الجرايات والنطاط والعقر بقشرة.

الكليمــــــــــاري
وهوا غير السبيط الكليمارى لابد شرائة طازج لا ينبعث منة اى روائح نفازة كذلك يحفظ بعد شرائة فورا بالفريزر بالثلاجة بدون تنظيف او غسل بمعنى بالحبر ( زفر ) وتقسم الكميه حسب عدد الرحلات اكياس متعددة ويتم استعمل كل كيس على حداونستعرض بعض الطرق للصيد بالكاليمارى :
الطريقة البسيطة و الفعالة لتدكيك و تجهيز الكليماري للجر
أولا يتم تجهيز الهوك بحيث يتم ادخال فلة مستطيلة الشكل داخل الكلمارى و تحكم بكليبسة و يراعي ان تكون المسافة بين الهوك و الفلة متساوية لحجم جسم الكليماري (باستثناء الرأس) و يتم تمرير ابرة التدكيك ثم يتم تمرير الفلة من خلال جسم الكليماري و الفلة تحافظ علي الكليماري كي لا يتهتك في عملية الجر كما تحافظ علي شكل الكليماري و يتم ادخال الهوك في الرأس و هذه الطريقة تستحمل عدد ساعات جر كثيرة و ايضا سرعات كبيرة دون تهتك اللعفة و الكليماري من علفات الجر الممتازة و التي يفضلها كثير من اسماك الجر و يراعي استخدام شبشب الجر أو ثقل و يكون علي مسافة لا تقل عن 10 متر أو تستخدم علي السبحة.
وهو افضل الطعوم يقطع الكلمارى الى شرائح طويلة و الاحتفاظ بالرؤس و كمان فيه كلامارى احمر متوسط و ممتاز
بالنسبة للسبيط :
يفضل السبيط الكبير الابيض اللحم و ليس الاصفر البايت
و لو صغير يفضل السبيط كما هو بدون تنظيف

الماكــريــل
يستخم للتشويح و الماكريل ينظف بعضه من القشر ويقطع مع الاحتفاظ باللاحشاء و الرؤس للتزفير عند وقوف المركب ويرش بعض الملح على اللحم مع تركه فى الهواء ليجف من الماء ثم يقطع الى شرائح

الطريقة :
الماكريل تجيبه وتقطع الراس وتقسمها من المنتصف بالطول من عند سلسلة الظهر وتضعها علي جريدة كامله وعليها ملح خشن
وتضعها في تيار هواء متجدد بعيدا عن اشعه الشمس المباشرة
وبعد ساعتين تضعها في كيس بلاستيك وعلي الفريزر
وعند الصيد
تقطعها شرايح بالمقص عرض 1 سم وطول 3 سم وتثبتها علي السلاح يتم استخدام سن مقاس 03 او 04 و يتم شكه مرتين و يترك متدلى من السن قليلا و لا تخف من نتشه لأن جلده متماسك نسبيا مقارنة بالسردين الذى يفضل تمليحه حتى يتماسك
لتمليح السردين و الماكريل
باجيب جردل بفتحه واسعه و اضع فوقه منخل خشب كبير على قد الفتحه، واضع فى المنخل طبقه من الملح القشور أو الحبوب (مش ملح الطعام) لان الملح ده بيشرب مياه بطريقة مرعبة، و بعدين ارص السمك صفوف و بعدين أضع عليه طبقة من الملح أخرى و أضعه فى البلكونة فى الشمس يوم و طبعا المياه لما تنسحب من السمك بتنزل فى الجردل و ده بدل وجع الدماغ بتاع تغير الجرايد لما تتبل و فى اليوم الثانى ممكن أقلب السمك واتركه طول اليوم وفى الاخر ممكن تجهز صاج به بعض ورق الجرائد و ترص السمك و معاه ملح جديد لمدة ساعتين ثم تضع السمك فى أكياس مع بعض الملح الجاف فى الديب فريزر وأطلع به الرحلة والمتبقى بأستخدمه لرحلة أو أثنين لانه لا يتلف ( الا اذا جاء عليه مياه)
المكريل غير السردين البلدى مع انة من نفس الفصيلة وممكن تستخدم الباغة لو لقيتها ويمكن تقطيع المكريل مثل الفيلية ثم مربعات صغيرة حسب السن المستخدم او تطعم بية مرة واحدة او على نصفين حسب السن ونوع السمك المستهدف


السردينيلا( السردين الروسى)
طريقة عمل السردينيلا اولا ازيل الراس والاحشاء الداخلية
اقسم السمكة من عند سلسله الظهر بعد ازالة الزعانف والقشور
يتم وضع انصاف الاسماك علي كميه من ورق الجرائد ووضع طبقه من الملح عليها و توضع الاسماك في تيار الهواء الجاري بعيدا عن اشعة الشمس المباشرة وغير الجرائد لما تلاقيها اتبللت
وعند الصيد قص منها بالمقص شرائح طولية واطعم بيها
السردنيلا دى من اجود واحسن الطعوم على مستوى العالم وهى الطعمه الرئيسيه مثلا للد نيس وطريقه عملها سهله لاكنها بتاخذ وقت شويه وهذه السردنيلا بتباع عند تجار الاسماك المجمده وهى مستورده من روسيا ويطلقون عليها السردين الروسى لكبر حجمه ويبيعونها التجار الغشاشين فى مصر على هيئه رنجه يونانى بعد تبخيرها و تدخينها وتلاحظ وجود سفهة اوشوك رفيع عند اكلها كرنجه.
وطريقه اخرى لعمل السردنيلا :
توضع السمكه عقب شرائها مباشره تحت طوبه اوبلاطه كبيره بجانب بعض وليس فوق بعض لمده يوم كامل لتصفى مياه التلج ودمائها وجميع سوائلها وبعدين تقطعها الى نصفين طوليا ( فليهات ) على ان تكون السكينه حاميه جدا لانك اذا فقدت جلدها الخارجى يستحسن انك ترميها وبعدين ترصها كل قطعه فى ورقه جرنال بدون الشوكه الرئيسيه او الراس و تملح جيدا وتخزن بالثلاجه وعند استخدامها تقطع حسب حجم الصناره واحرص على عدم قطع الجلد الخارجى اوجرحه
طعم فعلا ممتاز الميزة انه بيزفر و بيفضل في السن مدة أطول و مايدبش بسرعه نظرا لوجود طبقه جلد ثم طبقه دهن ثم طبقة لحم أحمر ثم طبقه لحم أبيض

مع بعض الطرق و الصطلحات الهامة :
التسجيلة
حضرتك تجيب نصف بلاطه (موزايكو) وتفرم شوية سردين (شويه حلوين) وتحطهم على البلاطه وبعدين تلف عليهم خيط حتى يتم تسبيت السردين كويس على البلاطة وبطريقة معينة بحيث عندما تنزل البلاطة الى القاع وتسحب الخيط جامد تلف هيا تحت وينتشر السردين فى القاع ويكون معاك بلاط كتير علشان هتكرر الموضوع ده كتير كل شويه تعملك تسجلتين مثلا على فكرة بدون تسجيلة مفيش فرشة شعور

الاورمة الاسكندرانى
للصيد من الشاطئ 3 سنون مربوطة في ساق 20سم تقريبا فوق بعض والرصاص حر من تحت ومقاس السن يختلف بنوع السمك لو في الساحل على المرمار يبقى السن 8 أو 9 كفتة لو على الدنيس يبقى السن 6 كرش و لو الصيد بغماز يبقى عدد سنان مربوط في جوز واسع 30سم والاخر 25 سم والرصاص شريط فوق السن والفلة تتظبط حسب العمق
حضرتك بعد ماتعمل الارمة بتدخل الخيط في الرصاص الثقيل(اولا) ونفس الخيط يدخل في الرصاص الخرز أو الحمص بحيث يكون الرصاص الثقيل يليه الرصاص الخرز وتجيب زرادية وتضغط بيها على الرصاص الخرز من الجنبين لغاية ما تتبطط وتضغط على الخيط وتحبس الرصاص الثقيل من تحت

التزفير بعلف الدجاج :
بيستخدموه فى مزارع الدواجن وهو خلطة من مركزات الاعلاف والداء وغيره ويوضع فى شراب حريمى مربوط ونضعه
فى الماء فى اول الدور ويكون بديل للقمح مارايكم وهل يجذب الاسماك ام يجذب علينا الاستاكوزا الملعونة
اولا انا فعلا استخدمت علف الفراخ نهارا لتزفير دور فى النيل عند كفر عمار و بناء على نصيحة الناس هناك و فعلا جمع سمك كبير اخذت منه بالريم و بالطعم
ام لو المياه راكده او بطيئه او ترع فعلى ما اعتقد انه سيجذب امهات و جدود و ملوك الاستاكوزا و شعبهم قبل السمك

و لذلك القمح الغير مطهى او منقوع (الجاف) لو داومت القاؤه فى نفس المكان كلما استطعت لن تقدر على اكله الاستاكوزا و لكن ستبتلعه الاسماك الكبيره بشغف بعد فترة حسب ما قيل لى اكثر من مره لأدوار الصيادين الخاصه بهم و التى تعلف بالقمح شبه يوميا لضمان تواجد الاسماك عند الصيد بها

التزفير للبلاط بالعين السخنة
لو عايز تجمع للبلاط أحسن طريقة هية الكبدة
و دي عبارة عن كيلو كبدة مجمدة و نحطها في شبكة و نربطها على أول المركب على غرق 2 متر و طبعاً عند ما نتحرك بالمركب مننساهاش علشان متروحش عند الرفاص و تعمل مشكلة
وبالمرة ممكن كيلو دم يعمل معاك شغل على الخرمان و الجمبرور
ويمكن إستخدام الطريقتين من على البر

الحداف
( الرمي بالماكينه من الشاطيء)
انا اتعودت اني اعمل سبحة بها 4 سنانير تحتها رصاصة حرة وتحت الرصاصة سلاح واحد الساحل معظمة رملي ناعم اما لو كانت المنطقة وعرة اي بها صخور ودة قليل جدا في الساحل الشمالي باعمل الرصاصة الحرة وتحتها سلاحين شنب اطوالهم 60 و75 سم

سبحة التسقيط
بتربط في اخر الخيط بتاعك رصاصة تقيلة شوية (على حسب الارض والعمق وخلافه) والتجربة هتعلمك بس خد الاساس
وبعدين كل حوالي 20 سم اعمل خية صغيرة
وفي كل خية اربط سن بالخيط بتاعه
يعني تكون مرمل سن مثلا على خيط عشرين وطوله 10 سم مثلا او اقل
وبعدين تربط الخيط ده في الخية



تجـــارب صـــيادين

الهامـــــــــور :
هو ( نوع من انواع الكوشر ) زى الناجل و التوين فى الجنوب
و احجامهم ضخمه فالناجل من 1 ك الى اكبر حاجه شوفتها 20 ك
و اما التوين فده من 3 ك الى 85 ك كبير جدا اكله بالليل دايما بس بيطلع جر على السبح ممكن الصبح واسمح لى ان اضيف معلومة عن التوين و اوقات صيده انه موجود فترات الصبح ايضا و خاصة بالغردقة هناك فرشة توين عند منطقة ابو ملح و صايدين منها حوالى 7 حتت اكبرهم كانت 35ك و اصغرهم 11 ك و فيه حتة طلعت نصها كان وزنها 6 و كسور ضربها قرش فى السكة و هى طالعة و التوين كان تسقيط بخيط 140 و الطعم بلاميطة حوالى 1 كيلو بدون الدماغ عشان تفضل تنز دم و زفارة و ربنا ما يوريك على الشدة الأولى تحس ان دراعك راح ينخلع بس اطلع بيها اول 5 او 6 متر بعيد عن جحرها و هتلاقيها طالعة معاك
وهناك تجربة يكون هناك سبحة مكونة من 5 او 6 سنانير مغطاة بالريش ويتم النزول بهم الي المياه ويكون باليل وعلي ضوء الكشافات او القمر الكامل اي ان يكون القمر بدر ونقوم بتحريك السبحة الي اعلي والي اسفل بهدوء اي هز الخيط بطريقة متتالية فتقوم هذه الاسماك بالدخول عليها
وايضا هناك بعض الاشياء المطاطية علي اشكال جمبري وديدان نقوم بتنزيلها علي الارض وعمل نفس الطريقة اي نحرك هذا الطعم لايهام السمك انه يتحرك فيقوم السمك بالدخول عليه ولاكن هذه الطريقة عند تجربتها اكثر من مرة اثبتت انها قليلة النجاح
بمعني مثلا اني جربتها اكثر من مرة وانتجت في مرة واحدة عن سمكة واحدة وكانت شعورة حوالي2.5 كيلوو افضل طرق التوشيح بالنسبة لي اولا ان لا يتعدي الخيط المستخدم 70وان يكون البحر في حالة النزول اي التيار ياخذ الخيك امام الصياد مباشرة
وهناك طريقة اخري وهي استخدام بلونة صغيرة تربط علي الخيط علي المسافة التي يبعد فيها السطح عن الارض وتترك حتي تسير مع المد او التيار وهذه البلونة تساعد علي ان لا تاخذ السمكة الخيط الي الشعب وايضا تقوم هذه البلونة بعمل مقاومة مع السمكة فتجهدها
الطعم الحى لا يتم شرائه ولكن يتم صيده ثم يوضع فى مكان مخصص او اى جردل فى المركب وتوضعه فى ماء وطبعا يكون معاك مووتور بالبطاريه او الحاجره بتاع احواض سمك الزينه
اما المقصود بالطعم الحى فده يرجع لارض الى انت شغال عليها وطبعا فى البحر الاحمر لاخلف ان احسن طعم حى هو البنجز والعنبر وعلى فكره فى ناس بتطلع رحلات وبيشتغله على التقايل بهذه الطريقة :
اول حاجه قبل لما يشتغلو يكونو مجهزين احواض الطعم الحى التى تم ذكرها من قبل ويطلع على اى شعبه لصيد بعض بنجز وبعد ذلك الذهاب الى الطرحات الغزيره وتبدء عملية الصيد الثقيل و أحب أضيف إن في الاسكندرية الطعم الحي بيبقى شارغوش كبير وبيتم شكه من ناحية الذيل علشان يفضل صاحي أطول فترة .
وهناك طرق مختلفة تستوجب انواع من الطعم تتحمل الاساليب المختلفة فى الصيد وهذة الاساليب متعددة بالنسبة للمياة المالحة
و يمكنك اصطياد الأسماك التي تصاد بطريقة الجر بالتوشيح ليلا أو نهارا بسمكة حية من نوع البونجز أو العيدة والتي تضرب عليها التونة والدراك والبراكودا وجرم البياض أو الناجل ( في النهار فقط ) علي أعماق مختلفة من السطح مع التحكم في ذلك بوضع رصاصة من النوع المزود بحلقة بحيث يتناسب حجمها مع العمق المطلوب الوصول إليه وشدة التيار ( المد ) مع ملاحظة حساب طول الخيط الموشح بحيث لا يصل أبدا إلي القاع في حالة عدم وجود تيار , ويمكن أيضا استعمال الكاليماري أو البلاميطة المدككة ( في حدود 1 كجم ) لصيد الأسماك السابقة بالإضافة لبعض أسماك القاع في حالة اقتراب الطعم من القاع – كالتوين والبهار – ويفضل لصيد هذه الأسماك أن تكون التوشيح في الصباح الباكر أو قبل الغروب 0
القاروص :
يكثر فى شهر 5 و 6 10 و 11 ويتم صيده وقت شروق الشمس ووقت الغروب بالحناش الحيه أو البرغوت الحي العادي يتم شكه من ديله فقط وبيجرو بيه بدنجل صغير بمجاديف في الميناء الشرقي الصبح بدري وبياخدو منه حتت حلوه أما الحناش فبتكون بالترقيد وعامة يكثر في المواني والمياه الدافئه والسلاح المناسب له هو 2 أو 3 أو حسب حجم السمكه و القاروص ممكن تلاقيه عند البوغاز بتاع أي مينا وفي المياه الدافئه زي الميناء الشرقي وميناء جليم وميناء رأس التين والمعديه ومنطقة الطرح وهي من أشهر أماكن تواجده هو ونوع أخر يسمي النقط وهو سمكه قريبه جداً من القاروص في الشكل والطعم بس أصغر من القاروص .
و بالنسبة لصيد القاروص لازم جمبري ص
الرجوع الى أعلى الصفحة اذهب الى الأسفل
هوانا بحرري
القبطان
القبطان


رقم العضوية : 1
عدد المساهمات : 739
تاريخ التسجيل : 14/02/2010
العمر : 37
الموقع : مكة المكرمة

مُساهمةموضوع: رد: موسوعه فى انواع الطعم   الإثنين مارس 22, 2010 4:52 am

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://hawanabahry.ba7r.org
محمود الالفى
بحراوي جديد
بحراوي جديد


عدد المساهمات : 16
تاريخ التسجيل : 21/03/2010

مُساهمةموضوع: رد: موسوعه فى انواع الطعم   الإثنين مارس 22, 2010 3:22 pm

شكرا لمرورك الكريم
الرجوع الى أعلى الصفحة اذهب الى الأسفل
 
موسوعه فى انواع الطعم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هوانا بحرررررري :: منتدى طرق صيد الاسماك ( الخيط - الشباك - المسدس - المشكات - غير ذلك )-
انتقل الى: